Ka Nupepa Kuokoa, Volume XLII, Number 37, 13 September 1907 — Ka Wanana a Mrs. Chamberlain [ARTICLE]

Ka Wanana a Mrs. Chamberlain

Ma ka halawai i malamaia ma ka la i nehinei e ka Hui Eugenics Kaleponi ma Okalana, ua haawi ae o Mrs. Jennie Chamberlain i kekalu ha'iolelo e hoike mua mai ana i na poino e hiki mai ana maluna o na iahuikanaka mamuli o ke kulana ona hoku. Ua wanana ae oia he ola'i ikaika ke hoonaueue ana i like loa aku me kela ola'i nana i ulupa ke kulanakauhale o Kapalakiko i keia kupulau ae ma ka mo kuaina o Kaleponi; a wahi hou no ana he nui ke gula e loaa maloko o ia mokuaina, a he 47 makahiki ana ka loihi o ka manawa e pahola ai na uha hoolele hauli, a iloko o ia manawa ua hoakaka ae ua kaula wahine nei e emi hope ana na oihana kalepa. —S. F. Examiner.

A keia Poaono ae, la 21 e malamaia ai na lealea heihei waapa a eia na keiki o na Hui Healani ame Makala ke hoomaamaa matl mai nei i ko lakou m*u aahuki i keia mau ahiahi.