Ka Nupepa Kuokoa, Volume XLII, Number 37, 13 September 1907 — HOAO E LAWE I KE OLA NO KE KOLU O KA MANAWA. [ARTICLE]

HOAO E LAWE I KE OLA NO KE KOLU O KA MANAWA.

Mahope ho o ko kauka Emekona hoakaka ana he pupule no elua manawa, ua hoao hou iho la no kekahi Pake o Lum Cliun e oki i kona puu a he kūlana kupilikii loa kona i ka wa i laweia ai i ka halema'i Moiwahine. O keia no ka Pake i hopuia ai i kekahi manawa i hala no kona hoao ana e pepehi iho ma ka lefe ana iloko o ke kai, a ua huki houia ae mailoko ae o ka muliwai o Nuuanu. O ka lua o kana manawa i hoao ai e hana me ke kaula, a eia nae aole oia i kau iluna o kahi ana t manana ai a loaa e i na makai, a ia manawa ua hoopaaia kona īnoa ma ke ano he pupule i hoohuoiia a mahope iho ma ke ano he aeaI haukae, a ua laweia imua o Lunakanawai W hitney, a hoopa iia e noho i ka haleapahao no umi mamakahi la. Ua mai he mau wahi la wale ae nei no a hoao hou no e lawe i kona ola ma ke oki ana i kona kania-i me ka pahi umiumi. Maloko o ka hale poi ma Pauoa kahi i hanaia ai kela hana lawe ola. Ua noi aku oia i kela pahi umiumi i mea kahi i kona poo eia ka no kona a-i kana i makemake ai e kahi. Ma kekahi Poalima i hala ua ike ia aku oia e moe lolii ana no iluna o kona moe a aohe oia i hoomaopopo ia aku a hiki i ka wa i nunulu mai ai a i ka hele ia ana aku e nana, e kaheawai mai ana ke koko ua moku ke kania-i. Ua hoike kokeia aku i ka makai a ua lawe koke ia aku e ke kaa i ka halema'i. Ma ka nana aku me he mea la o kana hoao ana 1 keia manawa e haalele mai i keia ola ana e holopono ana ia. He kulana kupilikii loa kona no ka manaolana hou i kona ōla mai.