Ka Nupepa Kuokoa, Volume XLII, Number 38, 20 September 1907 — LE-I KOHALA I KA NUKU NA KANAKA Kauluwela na Mokukaua i na Kukui Uwila. [ARTICLE]

LE-I KOHALA I KA NUKU NA KANAKA

Kauluwela na Mokukaua i na Kukui Uwila.

Ma ka po o ka Poalua nei, i hoike pau ae ai kekahi mau mokukaua e ku nei malokō o ke awa, i ko laua nani nia o na ipukukui uwila i ho-aia apuni ko laua mau k?no, oia hoi na mokukaua Penikelevania ame Verkenia Konioliana, he hiolnonā hoi i kamaaina oie i ka ikeia e ko Honolulu nei poe.

Mailuna mai o ko laua mau kia ka paa i na ipukukui, na pukauw'ahi nunui, a hiki loa aku i ka ihu o ka moku, e aneane aku ana e pili ke kukui i ke kai. A aia hoi maluna o laua pakahi ko laua mau inoa e hiki ai ke heluheluia aku ma o na kukui uwila la i hoonohonoho ia e like me na huapalapala o ko laua mau inoa, a he ku maoli i ka nani ke nana aku.

Aia no hoi he mau ipukukui uwila nunui e hoolei ana i ko lakou malamalama ma kela ame keia wahi e makemakeia ana, oiai no hoi e haawiia ana na kamailio ana ma na hoailona, me na kukuiuwila, a o keia kekahi o na hana ku i ka hialaaiia, ke nana aku i ka po, me he kanaka 'maoli no e hana ana 1 kona mau lima ma kona aoao. Oiai e pih ana keia mau moku ma ka aoao o ka uwapo hookahi, ua uhiia ua uwapo la me na hae o na aupuni like ole o ka honua nei, mai kekahi moku mai a i kekahi, ma ke ano lanai i uluwehi hoi oloko me na launiu, ame na pahu meakanu uliuli. He heluna nui o na makaainana 0 ke kulanakauhale nei i hiki ae ma ka uwapo o keia mau moku t hoikeike nei i keia mau ipukuleui, a e loheia ana na hooho mahalo ana mai kela ame keia mea mai no na mea a lakou e ike ana. A me he mea la i ka nana aku, ma keia wahi kahi i hoakoakoaia ae ai o na kanaka o ke kulanakauhale nei ma ia po, no ka mea ua hele mai kekahi poe o na wahi loihi no ka makaikāi ana » keia hoikeike o na ipukukui uwila O ua mau niokukaua la. Mahope koke iho o ke kani ana 0 ka hora ehiku i hoomaka ae ai na ipukukui e ho-aia, a ia manawa 1 ikeia aku ai ka holo-ke o na kanaka i o a ia nei e ake ana e loaa na wahi kupono loa e ike pono aku ai i na kukui o na moku a elua. Ke .holo-ke nei no hoi na kaa iloko o keia manawa mai na kaa-

pio a na kaa ottomobile, a ua piha ka hora hookahi a 01, o ka paapu ana o ka poe makaikai, ua hoomaka liilii aku la lakou e hoi, a e pilia mau ana na kaauwila i kela ame keia holo ana a lakou.

Aia maluna o ka oneki hope o ,ua mau mokukaua la kahi i hookaawaleia no ka hulahula ana, a 1 ka hiki ana ae i ka hora eiwa, ua hoomakā ka hulahula ana maluna oua mau moku la. Na kekahi hui himeni o ke kulanakauhale nei. e hookani ana i na mele hulahula no ka moku Verkinia Komohana, a pēla no hoi kekahi hui himeni 0 ia ano hookahi e malama ana i na Jiana hulahula maluna o ka moku Peniicelevania. I kela ame keia manawa e hoomaha ai o na hana hulahula, e haa- ■ wiia ana he mau mea ai mama i hoolakoia e na aliimoku a ua hoohalaia na hora o īa po me ka hauoli e na poe i konoia mai e komo pu aku ma ia hana ame ka poe oluna o tia mau moku la, a ua hele a aumoe loa, ua hookuuia na hana o ia po, me ka maikai.