Ka Nupepa Kuokoa, Volume XLII, Number 38, 20 September 1907 — AHA'I U PUPUHI IA MAN CHONG Holo Mahuka ka Pake Nana i Ki ia Makai Mahelona ma ka Poakahi Nei. [ARTICLE]

AHA'I U PUPUHI IA MAN CHONG

Holo Mahuka ka Pake Nana i Ki ia Makai Mahelona ma ka Poakahi Nei.

Aole no paha i poina i ka lehuleliu ka hoomanao ana no kekahi Pake ma ka inoa o Man Chong ka mea nana i ki a make o Mahelona iloko o kekahi mau makahiki lehulehu i hala ae nei no ka hoao an'a aku o ka makai e hopu iaia. . O keia no hoi ka Pake hookahi nana na keiki lehulehu i waiho ae ai i kekahi palapala noi i ke Kiaaina no ka hookuu a huikala ana mai i ko lakou makuakane mai ke karaima ana i hana ai, e noho hana nei no kona hoopa'i no na makahiki he iwakalua-kumamali-ma. Ma ke kakahiaka nae o ka Poaono nei i mahuka aku ai o'ia mai ka laina paahao e hana ana ma ka lua pohaku mawaho o Makiki, a ua manao waleia he mea okoa ae kekahi mawaho nei nana i kokua mai i hiki ai iaia ke hooko i kela hana.

Aole 1 loihi loa ka hana ana o na paahao ma ko lakou wahi hana, o ka mahuka no ia o keia Pake. Aia kona wahi e hana ana ma kahi mamao mai ka nui aku o na paahao, he hoololiloli i ke kuiki o ke alahao i hiki ai ke hooholoia na kaa ma ko lakou mau wahi i makemake ia, a mamuli o keia kaawale loa ona mai ka nui aku o lakou, ua hala ae la na maka o ka nana ana aku iaia, a pela i ike oleia ai kona holo mahuka ana.

Ua hoomaka kokeia ka huli ana| no ka Pake Mahuka mahope koke iho o- kona mahuka ana, eia nae aole he mau moali i loaa aku no ka hiki ke paa hou oia i ka hopuia. I ka hui pu ana aku nae o ka Makai Kiekie Henry me na kaikamaiiine a ua Pake nei, ua hookahaha loa ia ko lakou manao no keia meahou me ko lakou hoike ana mai aole loa lakou i maopopo iki i kekahi mea e pili ana no keia haha a ko lakou makuakane. ' Ua manao ka Makai Kiekie Henry, he hana maalahi wale no ka huli ana aku a loaa keia Pake, aka nae i ka loaa ana mai o kekahi mau mea ana e hoomaopopo nei, ua ike ilio la oia he hana nui ka hoakolo ana aku i kahi e loaa ai o keia Pake, no ka mea, ua hoomaopopoia, he mau ohana kona e kokua nei iaia, a ua lako hoi me ke dala no ka- huna ana iaia.

Ua mare kekahi © kana mau kaikamahine i ke kane, a i kulike ai me ka rula mau o na Pake, ua uku ae ke kane a ke kaikamahine no keia mare ana he elua haneri dala i kona makuakane, a ua hoike maoli ae no keia kaikamahine i ka Makai Kiekie Henrv pela. I kekahi mau la koke ae nei no i hala, ua hele mai la kekahi kaikamahine a ua Pake la no ka makeke kuai i'a, me ke kikiki, e hoike

ana he elua lianen dala kona waiwano, a he mau la no mahope mai f ua ukuia aku la keia huina, a o ka lilo aku la no ia o ua kaikamahine nei.

Mamuli o ka lilo ana aku la o keia mau kaikamahine ma ka elua haneri dala pakahi, ua lako maoli aku la ko laua makuakane me ke dala a oiai he elua ana mau kaikamahine i koe, e loaa ana he wailiona mahuahua i keia Pake, e hiki ai iaia ke holo aku no kekahi aina okoa, ke loaa iaia he manawa e maliuka aku ai me "ka loaa ole i ka oihana makai.

Eia nae na mokuahi ke hakilo loaia nei i keia manawa e na makai 110 keia Pake. Ma ka hoike nae a keia mau kaikamahine i ka Makai Ktekie, me he mea la ua hauoli loa lakou i keia ano o ko lakou mare ana i ka lakou mau kane ma o ke kuaiia ana mai me ke dala, a aole o lakou hunahuna iho i ke kamailio ana, no ka loaa aku o ka hoohuoi i ka Makai Kiekie e piM ana i ko lakou makuakane.