Ka Nupepa Kuokoa, Volume XLII, Number 38, 20 September 1907 — NIAU KOLOLANI AKU LA MA KA HILONIAN. [ARTICLE]

NIAU KOLOLANI AKU LA MA KA HILONIAN.

Me ka lohe a maopopo mua ole, ua kau aku !a maluna o ka mokuahi Hilonian no Kapalakiko o John D. Moore, ka ona o ka haleaina e ku nei ma ke kihi o na Alanui Kikeke ame Kalepa. Ua hookuuia mai oia mai ka umii niho wawaka mai a ke kanawai mamuli o ka $100 bela, oiai ua hoopiiia oia no ka hewa ku-e i ke kanawai waiona ma o kona kuai ana i ka waiona me ka laikim ole ma ka Lapule, a ua manaoia e la«veia mai ana kona hihia imua « ke Kiure Nui o ke Teritori i kahi la o keia mau pule, a lele e aku la Yiae ka manu. Ua hoomaka o Moore e lawe ma i hoopii kauoha mai ka aha mai e kaohi ana i ka Papa Komisina Laikini mai ka lawe ana mai i hoopii e hoopale ana 1 kona laikini. A ma ia hoopii ua hooholo ka Lunakanawai De Bolt i ka pono nia ka aoao o ka Papa, a,eia ka hihia imua o ka Aha Kiekie. Aohe i ikeia ka inoa o Moorc iloko o ka papainoa o na ohua o ka Hilonian# A o ka mea ha'oha'o mahea iho la la oia i pee ai. Ua oleloia maloko o kona hale aina, ua holo aku oia i Kapalakiko no ka mahina hookahi a elua paha, a o kela haleaina ona i. hoopukaia ai ka laikini e haawi ia ka meainu, na ka Hui Seattle Brewing ia e lawelawe aku nona mamuli o ka mana hope i hookohuia. Odessa, Sept. s.—Ua hoike ae ka Moi Anam o Siam i kona haalele i kona nohoahi no kana keikikane he ewalu wale no ona makahiki 5 keia la.