Ka Nupepa Kuokoa, Volume XLII, Number 38, 20 September 1907 — HAULE ST. LOUIS I KA HOPE WAA Aha'i ka Penikelevenia i ka Lanakila Mai ke St. Louis ma ke Kinipopo. [ARTICLE]

HAULE ST. LOUIS I KA HOPE WAA

Aha'i ka Penikelevenia i ka Lanakila Mai ke St. Louis ma ke Kinipopo.

O ka hookuku paani kinipopo i inalamaia mawaena o ka hui kinfpopo St. Louis nana i aha'i ae i ka inoa moho o na hui o Honolulu nei me ka hui kinipopo Penikelevania ma ka auwina la o ka Poalua nei, oia kekahi o na paani hahana a ku no hoi i ka hoihoi ke nana aku i ke ano o ka paani ana.

Ma keia hookuku ana a keia mau hui, i ikeia ai ka ma'kaukau loa o na keikr o na mokukaua o Amerika, ma ka hahau kinipopo aine ka hopu ana, ka mea nana i hookau aku i na mahalo ana a ka lehulehu maluna o lakou, a o keia .no hoi ke kumu o ko lakou lanakila ana, ma ka loaa ana ia lakou he eono aipuni, a he elima hoi a ke St. Louis, me ke koe o liookahi komo ana a ka Penikelevania aole i paaniia. . O keia ke kolu o ka hookuku ana o keia mau hui, a ma ka laua hookuku mua ana, ua kaa ke eo o •ia paani ana i ke St. Louis, a oiai o Reuter ka mea nana e nou ana no ke St. Louis ma ia paani ana, ua manaoia ma kona komo ana i noupopo no ia hui ke kumu o ka Joaa ana o ke eo i ke St. Louis ma ia hookuku ?na, a i ka lua mai o ka hookuku ana, me kona noupopo .ponoi, ua kaa aku la ka lanakila i ka Penikelevania, a ma keia paani hou ana hoi i malamaia ma ka Poalua nei, ua lanakila hou no ua mau keiki nei o ke kai.

E lilo .ana nae keia make ana iho la o ka Hui St. Louis i mea na keia mau keiki o na mokukaua e hoi aku ai a haano'u aku i ko Kapalakiko poe no ka eo ana o ka hui nana e paa ana o ka inoa moho o ke Teritori o Hawaii nei, a oiai e hoea mai ana he hui kinipopo mai Kapalakiko mai iloko o ka la 16 o ka mahina o Novemaba ae nei, e nianaoia mai ana he poe no ko Hawaii nei i lawa ole i ke kinipopo.

O kekahi mea i lilo ai o keia hookuku hope ana iho nei a keia mau hui i mea e hoihoi loaia ai, oia no ka noke mau o na manuwa i ka uwauwa i na manawa apau, a i ka pau ana no o ka paani ana, oia mau iho la no ko lakou piho hanakuli, a hiki wale i ke kulanakauhale.nei. Eia iho ka nui o na a'ipuni i loaa i kela ame keia hui ma na komo ana: 123456789 St. Louis..l 0001 200 I—s1 —5 Pen 30001200 * —6

Ua hooleia na noi no na aina aupuni o Kapapala, Kau, nona ka nui he 7500 eka. Ua ike ke Komisina Aina, he oi loa aku ka lilo o ke aupuni no ka hana ana i ke alanui mamua o ka waiwai io o ka aina.