Ka Nupepa Kuokoa, Volume XLII, Number 39, 27 September 1907 — AKAKA KE KUOKOA O KE KANAKA MA KA HANA. [ARTICLE]

AKAKA KE KUOKOA O KE KANAKA MA KA HANA.

Ua hoalaia mai ko makou manao e kamailio maluna o kela poo manao e kau ae la maluna mamuli o na paio hahana 1 uleleia e ka Lunahoomalu o ka Papa Lunakiai o ke alana o Oahu ame ka Loio Kalana Cathcart e pili ana i ka hookohu ana a ka Loio Kalana ia A. M. Baraunu i Loio no ka Aha Hoomalu. . * Ua nanā aku makou i keia mau kanaka ekolu, oia hoi o Chas. Hustace, ka Lunahoomalu o ka Papa o na Lunakiai, John Cathcart, ka Loio .Kalana ame A. M. Baraunu>4jia ke ano he poe lakou no ka auna hookahi ma ko lakou komo ana ma ka aoao kalaiaina Repubalika a o ka pilikia nae aole he lele like o keia mau manu iloko o ka auna hookahi, e like hōi me ka rula e ikeia nei i na manu. Ua lawe ae ka Loio Kalana i kona mana ma ke ano Loio Kalana a hookohu aku la ia A. M. Baraunu i Loio no ka Aha Hoomalu o Honolulu nei me ke kaukai ole aku i ke aponoia mai o ia hookohu ana e ka Papa o na Lunakiai, a i ka wa nae a ka halawai o ka Papa Lunakiai i malama ia ae ai ma ka po o ka Poaha o ka pule i hala, i laweia mai ai ua hookohu ana la a ka Loio Kalana no ke apono ana aku a ka Papa, a i keia manawa i ku-e ikaika mai ai ka Lunahoomalu Hustace 1 ka hookohuia ana o A. M. Baraunu. He Repubalika o Hustace ma kona aoao kalaiaina a pela pu no hoi me ka Loio Kalana Cathcart ame A. M. Baraunu a o lakou like no ia i hooikaika like iho nei iloko o ka wa e hakoko kalaiaina ana, no ko lakou kohoia mai e ka lehulehu ma na kulana like ole a lakou e holo ana iloko o ke Kalana, a eia nae he elua o laua i noho ma ko laua mau kulana o ke alualu ana, a he hookahi i haule oia no o Baraunu.. • He mea maa i ka poe iloko o ka pohai hookahi ke kokua ana aku i ko lakou hoa i mea e loaa ai kekahi kulana iaia, e hke me ka ka Loio Kalana Cathcart i hookohu aku ai ia Baraunu, eia nae ua ku-e aku o Hustace i keia hookohuia ana o keia hoa o lakou no ke kulana a ka Loio Kalana i makemake ai, a ma keia wahi la i ike ai makou i ke kuokoa o ka Lunahoomalu o ka Papa o na Lunakiai o Oahu mai ka hoopil* wale ana me kona aoao kalaiaina. Ua maopopo ma ka pane a Hustace imua o ke akea a imua no hoi o ka halawāi ana a ka Papa, aole oia i nana aku i ke kanaka ma kona aoao kalaiaina aka ua nana aku oia e like me ko ka lehulehu makemāke, a oiai he kauwa oia na ka lehulehu o ko lakou makemake wale no kana e hooko aku āi, aole hoi o ke kanaka e ku like ana me ia ma ka aoao kalaiaina hookahi, a i hoowahawahaia nae e ka lehulehu. Na ka lehulehu i koho aku ia Makai Nui laukea, i mea e loaa ai ka maemae iloko o ka oihana makai, a ina e komo hou ae ana o Baraunu ilokt> o ka iawelawe, ana i na hihia ma ka aoao o ke aupuni, e puka hou mai ana no na.anoano i maa i ka lawelaweia e ia iloko o kona au e noho mana ana.ma ke keena o ka oihana makai. Ua haule kela hookohu ana a ka Loio Kalana ia Baraunu i Loio no ka Aha Hoomalu mamuli o ka huli ana mai o na hoa Repubalika elua o ka Pāpa a hui pii me na Demokarata elua loaa ai he eha mau hoa o ka Papa nia ka aoao ku-e i ka hookohu ana, a he ekolu hoi ma ka aoao e apono ana. I ko makou huli ana aku a nana i na moho i holo iho nei no ke kulana Loio Kuhina no .ke Teritori i ka wa i pii ae nei o. Frear ma ke kulana Kiaaina no Hawaii nei,. ua alualu aku na Hope Loio Kuhina ia kulana ka manao e hookohuia mai e ke Kiaaina, eia nae i ka wa a ke Kiaaina i wae ae ai i kana kanaka, ua nele iho la na kanaka e noho hana ana maloko o ia keena ia kulana a ua hookohuia aku la he kanaka okoa, a i ka manawa i makemake ia mai nei kekahi o lauā no ka noho kokua Loio Kuhina ana aku, ua hoole loa āku la. oia t i ka law£ anā mai iā kulana. He hana kohu ole a kiipōno ole iiokp o ke kanaka noonoo maikai iea noho āna aku e hana malalo iho o ke kulana ana e alualu ana, oiai ua maopopo. iho la no iaia mamuli o kona hookohu ole ia ana mai e ke Kiaaina no ke kulana ana 1 alualu aku ai, aole no oia i makemakeia, pela no hoi makou e lawe mai nei a hoohalike ae i ke kohu ole ia Baraunu ka lawe ana ae i ke kulana Loio no ka Aha Hoomalu o Honolulu nei, mahope iho o kona haule ana mai ko laua holo paonioni ana me laukea no ke kulana Makai Nui o ke Kalana o Oahu, no ka mea aole ka lehulehu i makemake iaia.