Ka Nupepa Kuokoa, Volume XLII, Number 39, 27 September 1907 — PAPAINOA O KA POE I MAKE A I HOEHAIA. [ARTICLE]

PAPAINOA O KA POE I MAKE A I HOEHAIA.

Maloko o ka Nupepa San Francisco Chronicle ua houluuluia na make ame na poe i hoehaia mamuli o kela haunaele o ka poe limahana o na kaaahi o kela kulanakauhale. Na make i na limahana Uniona o ke kaaahi. Make mamuli o ka haunaele, he 3; hoehaia i ka wa o ka haunaele, he 29; makaKi hoehaia i ka \va o ka haunaele, 1; huina 0 ka poe i poino, he 33; na make 1 ka poe hoohalahala ukuhana ame ka poe hoohaunaele, niakai 1; hoehaia, elua makai. Na ohua i hoehaia 9, na limahana Uniona i hoehaia he 210, huina o ka poe i poino he 223. He eha 1 make a he 252 i hoeha'ia oia ka moolelo i ikeia iloko o 131 la mai ka hoomaka ana mai o ka hoohaunaele a ka Hui Uniona no ka hoohalahala i ka ukuhana mai ka la 5 mai o Mei a ua hoomauia mai ia manawa mai a hiki i.k'a po o ka la 12 o Sepatemaba nei. He paio hahana loihi no keia i hooiliia, me kekahi puali nui he aneane 1500 poe limahana o na kaa ahi ma na puulu kakaawale, a ina e huiia a akoakoa keia poe aia ma kahi o ka 9000 lakou, ke heluia na haunaele nul ame na puulu liilii ma na po lehulehu ame na hakaka i hanaia i ke ao. Ma na hoike i loaa mffi ke keena mai i malamaia e na alahao Huiia, 0 na poino i loaa i kela ame keia la, ua ikeia he 209 poe limahana o na kaaahi aole i komo i ka Hui Uniona i hoehaia, me ka eha kukonukonu ioa, i hahauia me na pauku laau ame na pohaku, he ehiku me ka poka pu, a he kakaikah' me na apana aniani, a o kekahi noe me na puupuu lima ame na newa. Ma ka paku'i ana aku me keia huina nui o#ka papahelu o na mea 1 poino he 3529 ma ka aniani o na kaaalii i nahaha i keia ppe hoohaunaele. A he mau pa lehulehu i wawaluia me ka hakihakiia o na pine: mokumokuia na uwea a pio na kukui no elua manawa. Hamoia na alahao i ka aila ame ke kopa he mau kakini manawa i mea e hu ai na kaaahi, waihoia na topielo malalo ae o na alahao ame kekahi mau mea pa-hu e ae; he elua manawa i loaa ai ke dainamaita malalo ae o ke alahao, pailaia ka puu pohaku maluna o ke alahao me ka puna_kameki, kuaia ke kumulaau a hina iluna o ke alahao, a i kekahi manawa hapaiia kekahi hale a kukuluia iwaenakonu o ke alahao i mea e paa ai ka holo ana o ke kaaahi.