Ka Nupepa Kuokoa, Volume XLII, Number 39, 27 September 1907 — E LOAA ANA I NA KALANA NA DALA AUHAU. [ARTICLE]

E LOAA ANA I NA KALANA NA DALA AUHAU.

Mamuli o ka noonoo pono ana ® kc Kiaaina Frear i ke kapono ame ka ole e lilo i kanawai o ka mahele ana i na loaa laikini ame na loaa makahiki mawaena oke Teritori ame na Kalana like ole, e like me ia i liooholoia ai e ka Ahaolelo aku nei i hala a i vitoia ai e ke Kiaaina Carticr t a i a'eia ai hoi e ka Ahaolelo maluna o ka vito, ua hooholo ke Kiaaina Frear, ua lilo ua kanawai la i kanawai, a e hoo lahaia aku ana e like me ke kuhi' kuhi a ke kanavrai. O keia no hoi ke kanawai a Kiaaina Carter i kauoha ai ia Kakauolelo Atkinson aole e hoolaha, a 1 manao iho nei na Kalana lehulehu e lawe mai i hoopii imua o ka Aha Kiekie no ke koi ana i ko lakou kuleana i ka hapalua o na dala e ohiia ana no na laikini ame na aahau loaa makahiki, a mamuli nae 0 keia aponoia ana mai la o keia kanawai ua pololei, nolaila e hoo* pu'ipu'i loa ia ana na waihona o na Kalana. ✓ He hookahi nae mea kupaianaha 1 ka nana aku. ya pau na kanawai o ke kau Ahaolelo i hala i ke pa'iia. a mahea aku ana la keia kanawai e paku'i aku ai. Ina e liookomo pu ia keia me na kanawai o ia katt, alaila e lilo ana keia i kanawai 141, aka nae, ua pau ka huke o na kanawai Ahaolelo i ka hanaia, nolaila malia paha o paku'iia aku keia kanawai mahope o na kanawai o ia buke, a i ole iloko pah% o ke kanawai o keia kau Ahaolelo ae e hiki mai ana.

O ka manawa he dala ia.—Bul-wer-Lytton. ,i i % A