Ka Nupepa Kuokoa, Volume XLII, Number 39, 27 September 1907 — KA PALAPALA HEMOLELE. [ARTICLE]

KA PALAPALA HEMOLELE.

Owau no ka Alepa ame ka ()mega, ke Kumu ame ka Welau, ka mua ame ka hope: a na'u 110 i hoo.kumu i ko ka honua, ame kona mau mea e piha ai. I ka lunahoopnnopono o ke Kilohana ame kou liope ma ka oihana, me'ka mahalo:—No kela mau hopuna olelo maluna ae ka iini nui a ko'u puuwai e hoike aku i kahi mea i ike, a i hoomaopopo io ia e a'u, aia io no he kumu ko na mea apau i hana la malalo iho o ka lani, a maluna ae o ka honua, a aole mea i hoea wale mai me ke kumu ole; ke olelo nei ka Haku, Akua Kiekie loa, oia ka A a hiki i ka W oia ka mua, ame ka hope, ke kumu ame ka welau. A nana no i hookuniu i ko ka honua ame kona mea i piha ai. Ke olelo nei hoi na Akua o ka honua nei "He ulia, he mea i oili wale ae. a i hiki wale mai. O Kona ulia iho la no ia.'' I ka hoonohonoho pono ana i na iliih konane o ko kakou manao alakai i keia la, me ka maopopo loa e like me ka La i ke awakea loa, ka moakakalea o na mea apau i hana ia me ke kumu wale no. O ka ōlelo ana ae a ko ke ao nei mau Akua, he ulia wale mai na poino i loaa i ke kanaka, he oleloia na ka aia, e hoole ana aohe Akua. .Oiai au e waiho ana maluna o kahi moe, a ma ka home hoi o ko'u kaikuahine aloha ma Waioniki Kaelepulu, ma Kailua, Koolaupoko, Oahu i ka mahina o Novemaba, 1905, ua aneane e make, aka, mamuii o ko'u huli, a imi nui ana i ke kumu o ko'u pilikia i hiki mai ai ia'u ke kumu o ko'u pilikia he "Hoaano" i ke Akua, oia hoi he "hookiekie" a e like me ka'u i hoakaka e aku ai ma kekahi o kou kino o na mahina i hala, pela no ka'u i hana ai no'u iho a loaa ia kaua keia lulu lima pu ana e Mr. Lunahooponopono. Nolaila, i ka hoohuihui, ana ae i ko kakou mafl noonoo maikai i kahi hookahi e apono ae kakou he pololei keia, a no ka mea, ua ike ponoi ka mea e kakau nei, aole he mea i oili wale ae mai ka honua ae me ke kumu ole. Aole no hoi he mea i haule mai ka lani mai me ke kumu ole: aole hoi he mea i make, i make wale iho no; aole no hoi he mea i ola, i ola wale iho no; no ka mea, ke make nei, a ke ola nei kakou me ke ku* mu wale no. O ka pomaikai ame ka poino i loaa i ke kanaka no ke kumu mai, a pehea la kakou e kanalua iho ai a olelo ae, he make ulia-wale, a he ola wale ae no, he kumu ko ka make ana, he kumu ko ke ola ana, aohe mea i make wale iho, aohe no hoi i ola wale ae, aka, he kumu. Malia paha o puai wale ae kekahi ninau iwaena o ka mea e heluhelu ana, a mau mea paha e heluhelu ana i keia manao alakai—a nmau iho la i kekahi ninau penei: "Heaha ke kumu o ka oi mau ana 0 ka heluna make o ka lahui Hawaii i ko na lahui e ae? he ninau ko'ko'i keia, a e nui ana no na haina like ole a kela me keia no keia ninau, a oiai, o ka'u haina ix>noi ka ka mea ninau i makemake ai, a penei ka'u haina.no ka "Hoonui 1 ka hewa," a no ka noho naaupo, oia ke kumu o ka oi ana o ka heluna make o ko kakou lahui i ko na lahui e ae. O keia ae la no ke kumu, ame ka mole o ka make oi aku, e hoolalia mau īa mai nei iloko o na nupepa o kakou, aole kuniu e ae; nolaila, ua maopopo loa, a, aole he mea hou ae na kakou e ninau ITou iho ai i ke kumu o ka oi ana o ko kakou make i ko na lahui e ae. A o ka mea i koe e imi aku kakou i hana e kanahai iki mai ai ko kakou heluna make, a 1 ole, e ola aku ai a hoea aku i ka palena o ko ke kanaka ola ana, aole hoi e make wale iho no iloko o ka hoohoonui hewa, ame ka noho naaupo ana; ua haawi mai ke Akua i manawa kupono no ke kanaka e ola ai: oia hoi he kanahiku Vnakaliiki, a no ka īkaika o ke ola kino, he kanawalu, a no ke aloha wale mai, hoea aku la i ka hanen a oi, nolaila, e hookupono ae ko kakou ninau ana i ke kino o ke kanaka makua, oia hoi, pehea la lakou e make e mai nei mamua o ko lakou manawa ? E huli e jmi e kiei a ha-lo aku ma na ala e ae 1 ke kumu o ko lakou make e ana. He oiaio, e loaa mai ana no he mau liaina lehulehu, aka, o ke kumu, o ke aa, 0 ka mole, i ulu mai ai a lau, a hua, ka make e ana inamua o kona manawa, aole loa, e hiki e ku-e ia mai ka'u haina e ko ke ao apau, a ma na ano no apau, a no ka mea, no ka palapala hemolele mai ka'u, ka palapala hookahi wale no a'u e hoaiai mau aku nei. He laau mu'emu'e ole ia i ka puu o ke kanaka ke moni aku. A o ka pepeiao e hoolohe ana a malama i kana mau a'o ana, he oiaio e hoea aku ana oia i ka piha pono ana o na la o ko ke kanaka

ola ana. Nolaila, heaha, a pohoa ke a'anui hele e hoea aku ai kakou i ke kiokena o ko kakou mau la ponof e ola ai? O ka hoonii'. ole i ka liewa. a o ka noho naauao ana. oia wale iho la no ke alanui hele e hoea aku ai kakou i ke kiekiena o ko kakou ola ana, aole he ala e ae. Nolaila, me keia mau mea ae la ke makemake hou nei ka mea kakau e hoaiai hou aku i ke koena 0 ko'u manao alakai, a na oukou hoi e hoolawa loa aku na mea i koe ina nae he koena kahi a penei he oiaio no, aia he kuniu ko na mea apau malalo iho o ka lani a maluna ae o ka honua. A oiai, o ke ola o ke kino ka ko ke ao nei e imi nei. ; e kikeke nei. he oiaio, ua } :>j.i mai, a ua welie ia mai nou he ola e ko ke ao nei, ua akea ko ke ao nei, e haawi mai-i kela me keia mea e imi a e kikeke aku ana iaia, a i ka loaa ole ana ia oe ko ke ao nei ola, e hoomanao iho oe he kumu: e huli oe i kou mau aoao apau, a e ninau iho 1 na lala e hoopuni la i kou kino, a no ka mea, oia na alahele o ka pomaikai. ame ka poino e loaa mai ana i ke kanaka. ua hana ia mai na lala o ke kanaka i mea pono a pololei, aka, na kekahi lala no nae i hookekee ae la iaia iho, a lilo i lala kapakahi, a mallh, palia, oia lala i kapakahi ae la ou ke kumu i loaa ole ai he ola o ke ao nei ia oe, pela no na kanawai kumau o ke Akua, ina 110 e uhaki oe i kekahi lihi o ke kanawai, ua pau loa na kanawai o ke Akua i k'a pepee ia oe, a oia iho la no ke kumu o kou poino, aka, i mea nae e loaa ai ia oe na pono o ke ao nei, ame na pono o ko ka Lani, e noho naanao oe īloko o ke ao nei, oia hoi, e ike iho oe i.kahi lala ou e hoao ae ana e alakai aku ia oe i ke ala o Waawaaiki Naaupo ma, e papa iho oe iaia, a mai ae aku i kona makemake. No'u iho, ua ike au ina ala like ole a ko'u mau' lala i alakai ai ia'u, aoke 54 keia o ko 1 , m.u: makaliiki i ka la 14 o Sep.v{'?mai)a īho nei, ua ike au, aia w«i!c mo iloko o ka hoomanawanui e poro ai nti ola honua ana, a o na lala mau e alakai ana ia'u i o a i o, oia 110 na maka o ke kino. ame ka naau. a e like me ka houwai ana aku a ke Diabolo i na nani like ole o ke ao nei imua o lesu, apuni ole o lesu pela no i liouwai ia mai ai ia mau nani imua o kou mau maka ponoi. aupuni iho la au, ua 110110 au iloko o ia mau luhiehu nani a ua ike i kona mau aoao apau, a'u e hooiaio ae ai, oia ke kumu o ko'u waiho ana ma ke ka'e o ka aneane, aka, 0 ka lokomaikai o ke Akua, ka mea nana i hoonaauao mai iau, ua ike iho la au i ko'u wahi 1 haule ai. aj 1 mea no'u e palekana ai, ua poalo ae la au ia pioeoe e pipili ana i ka niaka o ko'u kino ame ko'u naau a hoolei aku la no ka mau loa a liiki i ka-uhi ana o ka lepo maluna o'u e uhai a holo ana hoi i ka palena o ke ola ana o ke kanaka i ke 70 i^akahiki. Ina aole pela , ina aole kaua e lululima e Mr. lynahooponopono, aka, no ka pela ana, ke lululima pu nei kaua mai ko ke Akua lokomaikai wale mai a hiki i ka ulii ana oka lepo maluna o kaua. Nolaila 1 ka hoopau ana 1 keia, e hoomanao e kuu i'o ame kuu iwi, aia he kuniu ko na mea apau. O ka hoonui i ko'u mau hewa, ame kou noho naaupo, oia ke kumu o kou poino, o kou noho naauao, ame ke kiai makaala ana i na alakai liewa a kou mau lala, oia ke kumu o kou lanakila, a loaa ia kakou keia mau kumu ae la e noho me ka haahaa ame ke aloha oiaio i kou Akua, a i kou hoalauna, a i kou enemi hoi kekahi hoomaikai ana iloko o ka inoa o ka makua ame ke Keiki ame ka Uhane Hemolele, Amene. SAMUEL K. KAMAKEA.