Ka Nupepa Kuokoa, Volume XLII, Number 39, 27 September 1907 — HOIKE KE KOLOHE I KONA HEWA Kau ma ke Kaa no ke Puhi ana i ka Hale Aila. [ARTICLE]

HOIKE KE KOLOHE I KONA HEWA

Kau ma ke Kaa no ke Puhi ana i ka Hale Aila.

Ma ka Poalima aku nei o ka pule i hala i hoike okoa ae ai o Lionel Hart na kona mau lima ponoi i puhi i ka hale hoahu aila o ke Aupuni e ku nei ma Kakaako ma ke kakahiaka o ka la Sabati, Augate 18, i ke ahi. M'a keia hoike ana a Hart, ua olelo pu ae oia, o ka Lunanui Mayer kekahi i komo ma keia hana, aole nae ma ke komo pu maoli ana mai e puhi kolohe i ka hale aila 1 ke ahi, aka ua hoike ae oia. ua kaa aku maluna o Mayer ka nui o ka pokole o ka aila, me ka ike pu ana i ka pokole ana o ka aila ma ka Hart hana ana. E like me kana i hoike ae ai, ua hele aku oia e hoohmalkna i kaa otomobile ma ka hora eono o ia kakahiaka, me ka hele holoholo ana ma ke kaona, a i ka liiki ana i ka hora ehiku, ua kauoha aku la oia i ke kalaiwa o ke kaa otomobile e lawe iaia no kai o ka hale hoahu aila o ke aupuni, a ua hooko aku ke kalaiwa kaa i kona makemake. laia i hoea aku ai i kahi o ka' hale hoahu aila, ua pinana aku la oia maluna o ka pa a komo a.ku la iloko o ka hale aila ma ka hale malalo a hoomaka aku la e ho-a i ke ahi, a pela no hoi me ka hale oluna, a puka hou mai la no kahi 0 ke kaa e ku ana, a kauoha aku la i ke Kepani kalaiwaa kaa e wikiwiki ka holo ana o ke kaa. Ua hoole loa ae o Hart i ke komo pu ana mai o ka Lunanui o ka hui aila ma ke puhi ana i ka hale aila 1 ke ah'i, aka nae ua like pu no ko laua hewa a elua ma kahi 0 ka aila i pokole a 0 keia hana ana ana 1 hana aku la, i hanaia ia i mea e pau ai na buke i ka a ia e ke ahi a nalowale ka laua mau hana kolohe a elua i hana ai. Ina no nae aole keia hoike okoa ana ae o Hart i keia hana kolohe! ana ana, ina no e paa ana no oia i' ka hopuia no ke puhi hale, oiai ua loaa i ka oihana makai ka ike mai ke Kepani kalaiwakaa otomobile mai, no keia hele pu ana 0 laua i ka hale hoahu aila. Aole nae o keia wale no ka hoike ma ka aoao o ke aupuni e ku-e ana iaia, aka he wahine Hawaii kekahi i ike i kona hele ana a kau iluna o ke kaa otomobile mai ka hale hoahu aila aku, a holo me ka puah'i nui. Na keia wahine hoi 1 hoike ae 1 keia mea i kekahi kanaka okoa ak/u a mai iaia aku i ka oihana makai, a o ke kii kokeia aku no ia o Hart e hopu ma kona home mauka o Nuuanu.