Ka Nupepa Kuokoa, Volume XLII, Number 40, 4 October 1907 — HALAWAI A KA PAPA O NA LUNAKIAI Hoole ka Papa i ka Apono ana i ka Uku no Barauna—Paa no o Hustace i ka Uahoa. [ARTICLE]

HALAWAI A KA PAPA O NA LUNAKIAI

Hoole ka Papa i ka Apono ana i ka Uku no Barauna—Paa no o Hustace i ka Uahoa.

Ma ka po o ka Poaha o ka pule i hala i malama liou ae ai ka Papa 0 na Lunakiai o ke Kalana o Oahu 1 ka lakou halawai, a ma ia halawai i ala hou mai ai na olelo hahana mawaena o ka Lunahoomalu 0 ka Papa Chas. Hustace ame ka Loio Kalana John Cathcart e pili ana i ka uku o A. M. Brown. I ka manawa a ka Loio Kalana 1 waiho mai ai i ka papa ukuhana o kona keena, ua ku-e loa ka Lunahoomalu i ke apono ana i ko Brown uku e like hoi me ko ka Papa apone* ole ana i kona hookohuia ma ke kulana Loio no ka Aha Hoomalu. Ua ku mai la nae ka Loio Kalana a olelo mai la: "Ke noi aku nei au 1 keia Papa e hoolohe mai i ka'u mau leo uwalo. Ua hoike aku au imua o keia Papa ma ka halawai i hala, i ko'oi hookohu ana aku ia Brown, i kulike ai me ka pono i loaa ia'u no ka hookohu ana aku i ko'u mau hope. Ua hoole mai nae ka Papa i ke apono ana ia hookohu ana a'u ma ia hala.wai, a malia ua ponO a pono ole pah'a ia hoole ana; aka nae ke koi aku nei au i keia Papa, ua loaa ia'u ka mana ma ke kanawai e hookohu ai i ko'u mau hope; a o ka uku wale no ka keia Papa e apono mai ai.

"O keia no ka pilikia hookahi i loaa i ka Papa o na Lunakiai o Hawaii ame ka Makai Nui. He mea oiaio, e hoopaapaaia mai ana no paha keia pono o ka hookohu ana. Ma kela halawai i hala i hoīkeike mai ai ka Lunahoomalu i ke (eanawai imua o'u, aole nae i maopopo ia'u kona mea nana i a'o mai."

Ua hoakaka mai o Harvey i kona apono ole i ka papa ukuhana a ka Loio Kalana e like me kana i waiho ae ai ,a o ia no ka manawa o ka Lunahoomalu i apono mai ai i kona manao, me ka hoakaka ana mai:

l'Aole he pili o kela pilikla ma Hilo e like me keia. Ke ku nei makou ma ke kahua pololei, a mau aku ana ko makou ku mau malaila.

"Ua hoole makou i ko Brown kohoia ana, a pela no makou e ku mau aku nei a hoole aku i ka apono ana i kona uku. A maluna o keia manao au e ku ai, a hiki 1 ka haulehia ana imua o ka Aha Kiekie, a ke manao nei rio hpi au, ua like pu no me ka manao o na Lunakiai e ae." Ua hele aku keia mau olelo welawela i hoopuka ia e na aoao a elua i ka nui loa, a o ka mea i ikeia, ua hooleia ka papa uku hana a ka Loio Kalana e pili ana i ka uku o Brown. Ua'hooholoia ae na bila haawina no ka mahina i hala, a apono ia. Mahope iho o ka waihoia ana ae 0 kekahi mau hoike imua o ka Papa, ame ka heluheluia ana o kekahi mau palapala, ua waiho mai la o Keliinohopono he olelo hooholo e uku aku ke Kalana he 10 pa-keneta Komisina no ka ohi ana 1 na auhau kino 1 uku oleia, a hooholoia. Tokio, Sept. 29—Na W Kakauolelo Taft 1 hoakaka aku i ka poe Kepani i ka manao maikai a ake maluhia o ka lahui Amerika ame ke Aupuni. E halawai ae ana oia me ka Emepera a e kukakuka pu me ia ma ka Poakolu. Seoul, Oct. i,—He kanakolu lapana koa ame umi-kumamalua poe e ae 1 make mamuli o ka hu ana o ke kaaahi maanei.