Ka Nupepa Kuokoa, Volume XLII, Number 40, 4 October 1907 — HE KOKUAIA KE KUMU I HIKI AI KA MAHUKA ANA. [ARTICLE]

HE KOKUAIA KE KUMU I HIKI AI KA MAHUKA ANA.

Mamuli o ka loaa ana mai o kekahi mau mea e hiki ai ke hoomaopopoia aku ke ano o ka hiki ana īa Man Chong kela Pake i maliuka ai 1 kela mau pule aku nei i hala a i haawi makana ae ai hoi ka Makai Kiekie ke hopuia oia a paa, ua loaa mai ka ike, aia kekahi mea e ae mawaho ona nana i kokua mai i kona hiki ana ke mahuka me ka nui ole o ka hana. I kulike ai me na lohe hope i hoikeia ae, ua loaa aku no ka lole paahao o Man Chong ma ka pahuwai, kahi ana i- holoi ai iāia iho a komo 1 lole okoa i wahi e hoohuoi oleia mai ai kona ano paahao a ia Jole oia i hele aku ai no kona lanakila. He mea okoa ka mea nana i lawe a haawi iaia i kela lole, a pela i hiki ai e holopono keia mahuka ana a keia Pake, aka aole nae he ike maopopo e alakai ana i kahi e maopopo ai kahi o ua Man Chong la e pee mai nei i keia mau la.