Ka Nupepa Kuokoa, Volume XLII, Number 40, 4 October 1907 — KA MOI O SIAMA AME NA ILIO A KA EMEPERA O KELEMANIA. [ARTICLE]

KA MOI O SIAMA AME NA ILIO A KA EMEPERA O KELEMANIA.

Bcrhn, Sept. 14.—He wahi hana liooniakeaka ka ka Emepera Kaiser Wilhelm II i hoomanao ae ai 110 ko ka Moi o Siama la hanau Oiai ka Moi o Siama e noho ana me ka Emepera ma ke ano oia kana malihini koikoi, ua lilo loa i mea hoohauoh nui i ka Moi o Siama na ilio hahaiholoholona a ka Emepera. A no ia ike o ka E-

mepera i ka hialaai nui loa o ka Moi i kana mau ilio a 'oiai laua ma Hamburg ua hoike ae la ka Moi i kona makemake e kuai i mau ilio nana no ka hoihoi aku i Siama. Ua hoike mau aku oia i kona makemake i ka Emepera, me ka hoike pu ana he mau la pokole wale no koe a hiki mai i kona la. hanau, nolaila ua kauoha aku la ka •Emepera i ka poe hanai ilio e wae ia mai i ehiku paa ilio o ke ano maikai loa e like me kana paa ilio a e laweia mai imua o. ka Moi a nana e koho kana pa«i ilio e make* make ai. A i ka ike ana o ka Moi o Siama i keia hana lokomaikai a ka Eua lawe oia 1 kela poe ilio a pau }ie umi-kumamaha no ka hoi hoi ana 1 Siama ma ke ano he makana na ka Emepera Wilhelm iaia no kona la hanau, a na kekahi luna o ka halealii i hoike mai i ke kumukuai o keia makana la hanau. Ua lawe oia ia makana ma ke ano hoomakeaka. _ i