Ka Nupepa Kuokoa, Volume XLII, Number 40, 4 October 1907 — PAA KA POE PILIWAIWAI I KA HOPUIA. [ARTICLE]

PAA KA POE PILIWAIWAI I KA HOPUIA.

Ma Kakaako i ka po o ke Sabati i hala i paa ae ai kekahi poe Kepani piliwaiwai i ka hopuia e Makaikiu Tavlor ame kona mau kokua. maloko o kekahi hale kahi umiumi ma ke kuea Aliona. No ka piliwaiwai paikau ka ka Makaikiu i hele aku ai e hakilo ma keia kuea e hanaia ana e ka poe Pake, aka i kona ike ana aku i ka puuluulu o na Kepani maloko o kekahi hale kahi umiumi, ua hele aku la oia ame kona mau kanaka ilaila, a o ka manawa no ia a lakou i ike aku ai i ka haawua ana | ae o ke elala i ka poe i kaa ke eo ma ka lakou paani ana, a o ka lele aku la no ia o ua poe makai la no ka hopu ana, eia nae me ka hana nui no lakou i hana ai, mamua o ke kaa ana mai o ua poe Kepani la malalo o ko lakou malu. Ua noke lakou i ka aumeume me na makai. aka ua makaukau nae keia poe o ke aupuni ma ka hooko ana i ka lakou hana. a ua Joaa aku i kekahi Kepani ka uliuh ma kona maka. I ka manawa i pau ai o keia uluaoa ana, ua īkeia iho la ua hakihaki na noho, ua nahaha ka punee, o na Kepani, a e mokaki ana na apana papa ma o a maanei o ua rumi la me he mea la he wahi hoahu ia o na opala like ole.