Ka Nupepa Kuokoa, Volume XLII, Number 40, 4 October 1907 — OLA MAHUNEHUNE KA MAKUAKANE A PALAHE LIILII KE KAIKAMAHINE. [ARTICLE]

OLA MAHUNEHUNE KA MAKUAKANE A PALAHE LIILII KE KAIKAMAHINE.

Oakland, Sept. 15 —He make weliweli ka mea i ikeia ma ka hora 8:30 o keia ahiahi mamuli o ka palalie liilii ana o kekahi kaikamahine o Maria Jakilech ka inoa nona na makahiki eono ame kona makuakane joseph Jakeiich i ke kaar ahi lawe ukana o ka Pakipika Hema ma o ka hookuu'iia ana aku o ke kaalio a laua e kau ana eke kaaahi oiai laua e hoao ana e holo

mai kekahi aoao a i kekahi o ke alanui maluna aku o ke alahao kaaahi ma Okalana Hikina. Ua loaa keia ulia i ka manawa hope o na lealea holokaa o ka la oiai e hoi mai ana laua mai ka hale mai o ke kaikaina o Josepli Jakelieh ma ke alanui Kennedy. Ua ikaika loa ka holo ana a lee kaaahi a i ka wa i ike mai ai ka wlliki ua hookani mai la oia 1 ke oeoe me ka hoopaa pu i ka holo o ke kaa, aole nae i paa iki a hiki i ka hooku'i ana me ko laua kaalio. Ua hoao no laua e i ke alanui o ke.kaaahi a 1 ko laua hiki ana i ka puka-pa ua huki ae la ke kiai pukapa i ka pukapa no laua e pakele ai; aka puiwa e na lio i ke panipuka a kuemi hou i hope, a pela iho la 1 hooku'iia ai laua e ke kaaahi a wāla aku la mamua pono o kahi a ke kaaahi e holo mai ana a palahe Hilii ke kaikamahine, a o ka makuakane, ua piiia kona lima me kekahi wawae a palahe. Ua make koke no ke kaikamahine ia manawa, a o ka makuakane, ua laweia i ka halemai me ka maopopo ole o ke ola. He elua mau lede iluna o ke kaa mahope, a ua pakele mahunehune laua. Ua nahaha liilii ke kaalio, a o na lio ka i pakele me na poino liilii loa.