Ka Nupepa Kuokoa, Volume XLII, Number 40, 4 October 1907 — KUU KA LUHI O IA MAKUAHINE O KA PONO Ua Hala ka Makuahine Paleka i ka Aneane o Kona Mau Makahiki i ka 102. [ARTICLE+ILLUSTRATION]

KUU KA LUHI O IA MAKUAHINE O KA PONO

Ua Hala ka Makuahine Paleka i ka Aneane o Kona Mau Makahiki i ka 102.

Ma ka hora 10 ō ke kakahiaka 0 ka la Sabati nei i haalele mai ai o Mrs. Mary Elizabeth Paleka i keia ola ana i ka hookahi haneri me ekahi a 01 o na makahiki o kona ola ana. O ka la 9 o ka mahina o Dekemaba ae nei ka piha ana o kona mau makahiki i ka hookahi haneri me elua, aka nae, ua niau e aku la oia no kahi mau 0 na poe apau. I ka pule mai no kana keiki ka Rev. H. H. Paleka i Kawaiahao ma ia kakahiaka me ka manao e loaa aku ana no ka hanu hope o kona luaui makuahine iaia eia nae, aole pela. laia iloko oka luakini 1 hoikeia mai ai ka lohe no ka haalele ana mai o kona makuahine i keia ola ana, a ua hoi aku oia no ka home me ka naau i piha i ke aloha makua. Ma ka auwina la ae 1 malamaia ai he analna haipule e ka ohana ma ka home maluna o kona kino wailua. Na ka Rev. O. H. Gulick i malama ia anaina i kokuaia mai e ka Rev. W. N. Lono. Ua hala aku ka Makuahine Paleka, me ka waiho iho he eha o kana mau keiki e ola nei, oia no o Rev. H. H. Paleka, ke Kahu o ka Ekalesia o Kawaiahao; Mary S. Paleka; Carrie D. Paleka ame Mrs. J. P. Green; a mawaho ae o keia mau keiki eha, aia he elua ana mau moopuna e noho mai la i Bosetona, o Mrs. H. H. Wilcox ame Carrie J\ Green. Ua hanauia o Mary Elizabeth Paleka ma Branford, Konetukeka ma ka la 9 o ka mahina o Dekemaba, 1805; a iloko o kona mau la opio, ua noho oia ma Guilford, Konetukeka, a hiki wale i kona mare ana i ke kane, Benjamin W. Paleka ma ka la 24 o Sepatemaba,

1832. I ka wa i hoounala mai ai ka huakai eono o na misionari ilo Honolulu nei, e ka Papa Amerika, ua hele pu mai o Mrs. Paleka me kana kane, ka ReV. John Diell ame kana wahine, ame kekahi poe lehulehu okoa iho. "Ua haalele aku lakou ia Ladana Hou, KortC|tukeka, ma ka la 21 o Novemaba, 1832 maluna o ka Mokupe'a Maptor a ku mai i Honolulu nei ma ka la 1 o Mei, 1833, iloko o na la holo he 161.

Ua haalele iho o Paka me kana wahine ame Limaikaika ame kana wahine ia Honolulu nei ma ka la 2 o lulai, 1833 no na mokupuni

Makulki ma ke alahele &ku 6 Tahiti, a ma ka la 10 o Augate, i £u aku ai lakou no Nuuhiwa. Aole i li'uli'u ko lakou noho ana ilaila» ua huli hoi hou mai la lakou no Honolulu maluna o ke Okohola Benjamin Rush, a ku mai la no Honolulu nei ma ka la 12 o Mei 1834. Ma keia hoea hou ana mai o keia mau misionari no Honolulu nei, ua hoonohoia aku la 0 Paleka ame kana wahine ma Kaneohe, ke kahua o ka laua hana misionari iwaena o na kanaka Hawaii. Ua noho laua ilaila, no kekahi mau makahiki lehulehu, a ma ka makahiki 1869, ua hoi mai la laua a noho ma Honolulu nei; no ka noho kokua ana aku o Paleka ia Rev. D. Baldwin ma ke a"o ana 1 na kanaka Hawaii ma ka oiliana kahunapule, a i ka makahiki 1877 i pau ai kana hana ma keia ao, a haalele mai oia i kona kokoolua am( ka laua mau keiki ma keia ao. Ua na makahiki hope :o ko Makuahine Paleka ola ana me ka malie, iwaena o kana mau keiki, aole nae i hoohemahemaia e ia na haoa ano nui e hoea ae ana iloko o ka nee ana o ke au o ka manawa, a o ka oi loa aku i na hana- pili Ekalesia. Ua noho paa /nau loa oia ma ka home no kekahi mau makahiki mamuli o kona palupalu, aka nae i ka manawa e hiki mai ai i kona la hanau e mau mai ana no kona ohaoha i ka poe e kipa aku ana e 'ike iaia. I ka piha ana iaia o na makahiki he hookahi haneri ifoko aku nei 0 ka makahiki 1905, ua kipa aku ka bana Hawaii e hookani i kekahi mau leo mele hoomaikai no ka loaa ana iaia o kela mau makahiki.

Ma ka makahiki aku nei i hala i malama pu ia ae ai he anaina ike no ka piha ana iaia o na makahiki he ioī, a he nui o na ohana kahiko i hele ae e haawi i ka lakou mau hoomaikai ana iaia.

Ma ka Poakahi nei i puhiia ae ai kona kino i ke ahi, a o ka *chu ka i hoolewaia ma ka v Poaba ac. He mau hanen o ka poe i ike a i lohe i na a'o ana a Mr*. Paleka i akoakoa ae ma kona anaina hoolewa i malamaia maloko o ka Hiakini o Kawaiahao.

Ua hoomakaia na hana haipu'e maluna o ke kino lehu o ka Makuahine Paleka, ma kc mele dn&

mai o ka papa himen.: i ukaliia mai hoi mahope o keia, ma ka heluhelu.ana mai a Rev. tiuhrk i-ke-kahi mau pauku o ka Oh'lo a ke Akua. a na ka Rev. Kiwin i malama i ka ha'iolelo: ka ha'iolelo hoi nana i hoohanini i na waimaka o ka poe i akoakoa ae ma 'ia anaina. Mahope o ka pau ana o ia anaina haipule maluna o ke kino lehu. ua laweia aku la ke poho lehu a hoomoeia aku la ma ko lakou ilina.

MAKUAHINE PALEKA.