Ka Nupepa Kuokoa, Volume XLII, Number 40, 4 October 1907 — HE NANE. [ARTICLE]

HE NANE.

Mr. Lnnahooponopono, Aloha oe:—E ae mai ia'u e hawanawana aku ma kou p.epeiao hema i keia mau niamalaolelo uuku oia keia: "No'u kau wahi o kou.kino." A ke ae mai oe alaila, e haawi i kou papalina akau na'u e hamare aku me ka hamare kui hao k*ui. aiana a ka Mea kaulana ka Naita Heneli o Navara, i ike mai ai ha tausani o na kini heluhelu ou i ke kino aka wailiula o kuu Haku a na lakou hoi ia e noii nowelo mai a pau na pali paa i ka ikeia, a i loaa ai hoi ke .kino maoli o ua Haku nei o'u e like me kana e ne ae nei penei: Eia au la< he Kama, he ewe, he kupa, he keikipapa he oiwi make ole no kalii a ka wahinē e noho la. O wau ka Haku o na Kakela ehiku i ka lip'olipo o ka.Moana luano. . • Ma ke kukulu mageneti o Romio e loaa ai fa.'u ka maha. Ama ka u ku-e Akau o Julieta ko'u hilinai ana, e hellee wale ana ka La i ka hoea ana o na hoku; a e nalowale pu laua aka; no'u, aole e loaa īa'u ko laua hopena. He mau hoaloha ko ka La o wela ame ikiiki. He mau enemi ko'u o Haowale ame Anunu, e pomaikai auanei oe ke loaa au a no ka mea, no'u ka papale kalaunu i ka lai o Maclerida. o kuu paakamaa ke lohia ia mai la i Laelana, a o kuu koloka ahuula i. ke Sabati ka loaa aria ia Parao ma k"e Anahuna o Matebala, ina wau e salino i keia mau pono apau alaila, e loaa no au ia oe e moe malie ana ma ka malu eheu o na Anela, a ke misi oe i ka bulusai alaila, penei au e loaa ai īa oe. Oka mua ona lunaolelo i na hoku kaahele he umi-kumama-lua oia ka heiu o kuu papale kalaunu, a o kona pokii ponoi ka helu o kuu kamaa, a ma ka wehe ana i ka pili ana o na Nihoniho o ka lunaolelo hope e loaa ai ka heh! o kuu koloka. Ke kapae oe ina rula nui ekolu o ka Arimatika a koe hookahi loaa pono no au ia oe. Owai au? Owai kahi oka wahine e noho la? Owai na Kakela ehiku ? Owai ka Moana luano? Me ka lana o ka manao e hoea koke mai ana no ka malamalama. Me ka oiaio, Gaberiela ka Anela o Mekiko. Honolulu, Oahu.