Ka Nupepa Kuokoa, Volume XLII, Number 41, 11 October 1907 — NO KE KII O J. P. HIPA AME JOHN K. WAIHOIKAEA. [ARTICLE]

NO KE KII O J. P. HIPA AME JOHN K. WAIHOIKAEA.

Mamuli o ka loaa ole o kahi kaawale o ka makou pepa o ka pule i hala e hoakaka pono aku ai i ke ano o ke kii i hoopukaii aku ma ka aoao ewalu o ke Kuokoa o ka pule i hala, nolaila he pono no ia makou ke hoakaka pokole aku 1 ke ano i hookomoia aku ai o ia kii. Ma ke Kuokoa o ka la 30 o ka mahina o Augate i hookomo mai ai o P. K. Hipa i kekahi nane, i hoopukaia* aku ai hoi ma ka inoa o P. K. H. Aekai»o Moanalua, me kona haāwi pu ana i makana Baibala Kauoha Hou i ka mea mua loa e loaa ana ka haina pololei o ua nane la ana. Ua ku keia nane me ka loaa ole o ka haina no kekahi mau pule a ma ka helu o ke Kuokoa i puka aku ai ma ka la 20 o ka mahina o Sepatemaba i liala aku nei. ua lawe ae makou i ke ko'iko'i o ka hoike ana aku 1 ka lehulehu, no ka hookomoia ana 0 ke kii o ka mea e loaa ana oka haina pololei oua nane la. Ma ia manawa, ua manao ia he hookahi wiale no mea e pa'iia i ke kii, aka nae oiai ua noi mai ka mea nana ka nane, oia pu kekahi e pa'iia i ke kii a nana ponoi no e haawi aku ka makana i ka mea i loaa ai kana nane, nolaila ua pa'iia laua a elua e like me ke kii 1 hoopukaia aku. Ma ke Kuoikoa o ka la 27 o Sepatemaba i hoopukaia aku ai ka haina o ua nane nei a P. H. K. Aekai o Moanalua, ame ka inoa o ka mea nana ua haina la, malalp hoi o ka inoa kapakapa, J. K. W. Makanikeoe, a o kona inoa hoi o John K. Waihoikaea, nolaila e pau ana ke pohihihi o ka lehulehu i na mea no laua na kii i hoopukaia aku ai, ma ka pule aku nei i hala. Ua hookoia ka makana e like me ka makemake o ka nane, a ua kakau pu ia hoi na inoa o ka mea nana ka makana ame ka mea i makanaia aku ai, e lilo ai i waiwai hooilina iluna o ka mamo a Waiohoikaea.

Nul mai ana ka waha o ia .wahine i ka hamama no ka paluku'ia e kana kane ma ka po oka Poaono ma Kukuluaeo no ka ona. He hana kohu ole no na ka wahine ka hel£ ana e inu rama oiai aole he inu o kana kane, a o ana o kela moo nahesa iloko o ka nohona oliana ana, oia no auanei ka mea nana e hoomokuahana i ko laua noho maluhia ana. Aole no nae i pili keia i keia wahine hookahi, aka ika poe no apau e malama ana i keia nahesa o ka waiona.