Ka Nupepa Kuokoa, Volume XLII, Number 41, 11 October 1907 — HE BALUNA AKU ANA NA MOKUKAUA. [ARTICLE]

HE BALUNA AKU ANA NA MOKUKAUA.

Aldershot, (Enelani), Sept. 13. — Eia o Samuel E. Cody ke kanaka Texan lauoho loihi, kekahi mea hoi nana i kukulu i ka Moknea Pelekane mua loa e lele ana i ka lewa me ka holopono, ke manao nei e hoeueu aku i ke Aupuni o Amenka e kukulu i.na Mokuea 110 ka oihana kaua. "Oiai eia na pualikoa Palani, Kelemania ame Pelekane ke holoaiua nei ma ke kukulu ana i na mokuea no ka oihana kaua, eia nae o Amerika ke nele nei ka hoomaopop3 ana i keia mea. O ka waiwai inu 0 na mokuea i manaoia oia no ka ike ana i na enemi, ka hiki ana e kiola iho i na poka hoopa-hu ame ka hopu pio ana aku i na taona. "Aole he pilikia o na mokuea, no ka mea ma na keena kaawale no e malamaia ai o ke ea, a aole no he mea e pilikia ai ke ku ana i hookahi a elua paha mau poka ia lakou. I ka manawa e pau ai o kau aelike me Pelekane, e huli hoi aku no au no Amerika a e hoeueu aku i ke aupuni i ka pomaikai o ka loaa ana i mokuea no ke kiai ana, e like me ia e noho kiaiia mai la na kupa o Pilipine." 1- A —