Ka Nupepa Kuokoa, Volume XLII, Number 41, 11 October 1907 — HE $19 O KA MINUTE HOOKAHI. [ARTICLE]

HE $19 O KA MINUTE HOOKAHI.

1 1 \ Ma ka holke a ka Hope Loto Kuhina Kellog no ka loaa o John D. Rockfeller ka moi o ke dala ma ka hooloheia ana o ka hihia. e pili ana i ka Hui Aila Standard, ua ikeia ka nui hewahewa o koni. waiwai, oiai no kona loaa wale no iloko o ka hui aila Standard, ua hiki aku i ka $19 o ka minute hookahi. I ka manawa i kukuluia ai keia hūi aila i ka makahiki 1892 me ke kumuwaiwai o $97,250,000 ua hiki aku ka nui o na mahele o Rockfeller i ka $256,854, a iloko mai o ka makahiki 1900, ua pii mahuahua ae mahele a hiki i ka $265,679. I ka manawa i ukuia ai o ka puka o ka hui mai kona manawa i kukuluia ai a hiki i ka makahiki aku nei i hala, ua loaa aku i keia kanaka he $80,173445. O ka avelike loaa makahiki mai keia hui aku, he $10,021,680, ua like hoi ia me $836,140 ka avelike loaa o ka mahina hookahi, a he $27,838 o ka la hookahi. He keu ka nui o keia loaa o keia haole, aka nae wahi ana he oi aku ka hauoli o ka noho ana o ke kanak?. ilihune mamua o ke kanaka waiwai i piha me na inea o keia ola ana. Ke likiliki mai ka puhaka he hoike ana mai ia aohe i lawa kona hoakeaia.