Ka Nupepa Kuokoa, Volume XLII, Number 42, 18 October 1907 — LAWE I KONA OLA IHO. [ARTICLE]

LAWE I KONA OLA IHO.

Mauka ae nei o Leleo ma ka po o ka Poaha a ao ae Poalima o ka pule i hala, i kaawe ae ai kekahi wahine Kepani laia iho a make loa, a ma ka noho ana o ka aha koronelo nleniele kumu make ma ke ahiahi- Poalima i haawi ae ai lakou i ka lakou oleio hooholo, ua make no kela wahine Kepani mamuli o na hana a kona mau lima ponoi. Ma ka moolelo a kana kane I hoike ae ai ua hoi like no lauA e hiamoe ma ia po ma ka hOra umi, a i kona puoho ana ae nae mawaena o ka hora 3 ame 4 o ka wanaao, ua ike iho la oia aole he moe ae o kana wahine, a mamuli o ka mokaki o na lole o laua i hu'eia mailoko mal o ka pahu, ua manao loa oia ua mahukaia ua wahine nei ana, eia nae i kona nana no ana i na mea oloko o ka pahu lole, ua loaa aku la no na dala he kanawalu a laua e walho ana, apau loa ae la kona manao ana ua mahuka ua wahine la ana. Ua hele aku lar oia e wehe i ka puka o ko laua rumi me ka manao e huli aku i ua wahine la, eia nae aole e hikl iaia ke puka aku iwaho oiai, ua kiia mai ka puka mawaho mai a ua noke aku la oia i ka paluku a hiki i ke kii la ana mai e wehe e kekahi poe e »ku a i ko lakou hele ana aku e huli, ua ioaa aku la kona kino e lewalewa mai ana iloko o ka halekuke o ka hale elua a ka poe hoolimalima e noho ana. I ka huliia ana o kekahi mau moall maluna o kona kino e hikl ai la hol ke maopopo i ke kumu o ke kaula i hoopaaia ai ma kona a-I, a aole no hoi he mau hoailona e ae maluna o kona kino, no ka hoopaapaa -ana me kana kane, a pela 1 lilo ai kona make ana 1 mea pohihlhi i ka lehulehu. Aole i maopopo iki i ke kane a i ole hoi ia i kekahi hoi o na Kepanl hoike i laweia ae imua o ke koronelo nieniele i ke kumu o ke. kaawo ana o keia Kepanl wahine iaia iho.