Ka Nupepa Kuokoa, Volume XLII, Number 43, 25 October 1907 — Ola Hou a Puka mai ka Pahukupapau mai [ARTICLE]

Ola Hou a Puka mai ka Pahukupapau mai

! NEW YORK, Oct. 10.—E noho ana o James Haskins me ka noke ana i ka uwe ma ka aoao o ka pahu kupapau o Mrs. Fred Hartsell i keia la ka wahine mare hoi a kekahi kanaka mahiai opio e noho ana ma kahi kokoke i Huntington, a o kona manawa no ia I ala mal ai a noho iluna, ame ka nanaina ano e ua pii mai la oia mailoko mai 0 ka pahu kupapau, a ua piha loa ia ka poe e kanikau ana me ka maka'u me ko lakou pau ana ike auhee. | Ua maule ke kahunapule i ka ma-j nawa i haiawāl mai ai me kekahi wahine heleheiena haikea, ka mea hoi nona ke klno ana i hele mai ai e ma-, lama 1 ke analna haipule hoomanao. | He ohana ilihune kela e hiki ole ai ke hoolimalima i kauka, 1 ka manawa 1 loaa ai o kela wahine i ka maule a ua waiho oia iloko o ia kulana ona no na la ekolu a eha paha. Ua manaoio; loa kana kane ua make maoll oia a ua hoounaia aku ka mea hana pahu kupapau, a nana i hoomakaukau i ke kino kupapau i manaoia ai no ke kanu ana aku, me kona ike ole aia he wahi ola kekahi 1 koe iloko o ke kino. He hapalua hora wale no koe kakiaia ke pani o ka pahu kupapau, a kanuia aku i ka lua.