Ka Nupepa Kuokoa, Volume XLII, Number 43, 25 October 1907 — NUI KA MAKEE E LOAA ONA AINA Noho Kiai o Kalauao Mawaho o ke Keena Aina o Hilo no 32 La. [ARTICLE]

NUI KA MAKEE E LOAA ONA AINA

Noho Kiai o Kalauao Mawaho o ke Keena Aina o Hilo no 32 La.

HILO, Okatoba 17.—Mai ka la 19 mai o Sepatemaba a hiki i ka la 21 o Okatoba he manawa hoi o kanakolukumamalua ia, ame na po, ka noho ana o Kalauao he kanaka Hawaii mawaho o ke Keena Aina o ke Teritori ma Hilo. mai ka manawa hol ana 1 hookomo aku ai i kana palapala noi no ka Apana helu 67 iloko o na aina hookuonoono mau Olaa. O Maui ko KaWuao wahl noho, aka ua hele mai nae oia no HaWaii me kana kaikamahine ame ka hunona ame na moopuna. Aole oia he kanaka opiopio, aka e piha and iaia na makahiki he 49 i keia mahina ae, aka ua loaa no nae iaia ka manao o ke kanaka opiopio, ma ka lawe ana i ka apana o umi eka ka- nui, ma ka umlkumamalima dala o ka eka hookahi a o keia hoi kana ano aina i makemake ai. He nui no ka poe i makemake i kela apana, a o Charlie King kekahi i ma* kemake ka lunanana o na kula ma Hawaii, aka e pau loa ana' lakou i ka nele no ka mea o Kalauao ka mea mua loa i hookomo mai i kana noj, a oiai ma ia ano e lilo ai keia aina aole hoi ma ka waiho ana aku ma kb kudala ana.

E noho ana o Kalauao 1 ke ao ame ka po ma ka puka o ke keena aina o Hilo, a na kana mau moopuna elua e lawe mai i kana ai. I kekahi mana; wa e lawe mai ana na kanaka o ka oihana kinaiahi i noho mma. ī ka po, a lawe no oia i keia rohb a waiho mamua o ka puka o ke keena, moa maluna o keia noho io ka l ooluolu ana. He home no kona ma Hiio.