Ka Nupepa Kuokoa, Volume XLII, Number 44, 1 November 1907 — HA'U KA WAHA I KA MAKANI, HE PUAHIOHIO KA MEA LOAA. [ARTICLE]

HA'U KA WAHA I KA MAKANI, HE PUAHIOHIO KA MEA LOAA.

Aole i poina iki ka Lunahooponopono o ke Kuokoa i kona Halawai kino ana me Josephine Emalia L. Pue&piakakaualii Kaiiiakaluhi, maloko o kona keena ma ka la 8 o ka mahine o Augate aku nei i hala, me kona mihi ana mai me ka walania i kona hewa o ke kokua ana mahope o na hana diabolo a kana aikane Maluhia, me kona lawe pu ana mai i mau dala e uku ai i ka Lunahooponopono o ke Kuokoa, f mea e hoopauia ai na manao kuee e hoikeia ana maloko o na nupepa e pili ana maluna o na hana a ua aikane nei ana. Ua haawi aku ka Lunahooponopono o ke Kuokoa i na hoomaikai ana iaia i kona hele ana mai e mihi i kona hewa, a no ka mea ua hoopoma'kai ia oia, mamuli o ka loaa ana iaia o ka hoomaopopo ana, hc diabolo na hana a ua aikane nei ana e lawelawe ana, a oia no ka hoike o kana mau hana, a eia hoi kana mau leka lehulehu ke waiho nei ma keia keena, a makou i makemake ole ai e ike mai ka lehulehu i ke ano 0 keia Josephine Emalia L. Pueamakakaualii Kamakaluhi, aole no hoi ka Lunahooponopono o ke Kuokoa 1 lawe mai i kana mau dala i makemake ai e uku mai iaia, no ka mea aole makou i manao e lawe wale mai i ke dala a ka mea nele, e like me kana hoakaka ia makou no ke ano o ko laua pono e noho nei me kana kane. Na ka Nupepa ke Aloha Aina o ka Poaono i hala, Okatoba 26, 1 hoouna ae ai ua josephine nei i kekahi leka ana e pane ana i ka Lunahooponopono o ke Kuokoa, e like me kana i olelo ae ai maloko o ua kka nei ana e i ana na ke Kuokoa ia mau olelo. "E hopuia aku oJ. Lor Walaka o holo koke aku auanei i lapana e pono e hana koke ia. E Hke me ka huaolelo kuokoa pela no e kuokoa ai ka ino mai ka maikai aku he nupepa i kapaia aku he nupepa mikanele (ole wale), a o kana huaolelo nae e puka mai ai ma kqna mau kolamu, he awaawa a inulea o ke ano hoopihmeaai." Ke minamina loa nei ka Lunahooponopono o ke Kuokoa i ka hoike aku i ke akea i ka hupo ame.ke opulepule o Josephine ma ke ano o kana pane ana, no mea he pkoa loa na mea i hoopukaia akr ma'ke Kuokoa o ka la 18 o Okatoba, malalo o ke poo "E HOOKOLOKOLO TA AKU ANA O J. LOR WALAKA,"'a he okoa loa hoi kana e hoopiii ano e nei, maloko o kana pane. O na manao i hoopukaia aku ai he mau mea hou ia i laweia mai mailoko mai o ka Advertiser o ka la 12 o Okatoba i loaa aku i ko makou kiu hanu mēahou, he mau mea oiaio hoi, i aeia mai e Walaka ponoi no kona hauoīi loa ke hopuia aku oia e ka oihana makai. Ina e heluhelu pono oe e Josephine opukpule i na huaolelo apau maloko o ua meahou la, aole loa e loaa ia oe, aia kekahi huaoolelo a ka Lunahooponopono o ke Kuokoa e olelo ana "E hopu koke aku ia Walaka," au e kapa mai nei i ka mulea a awaawa o na huaolelo e hoopukaia aku nei ma na kolamu oke Kuokoa. O ia nae hoi, he muemuea ka laau a ke kauka a he mulea na huaolelo mai ka waha mai o ke kahunapule, loaa nae ke ola i ka mea lawe a malama i na k\jhikuhi ana, ina pela e pomaikai ana oe ke heluhelu mau i na manao o ke Kuokoa. . Ina i nana man oe e Josephine i ka manao o ka Lunahooponopono o ke Kuokōa mai ka manawa i laweia mai ai ka ninau e pili ana ia.Walaka i ka manawa e noho ana ka ahaolelo a hiki i keia mau la, e ike no oe o ke Kuokoa wale no ka nupepa e hoikeike aku nei ia oe i ke alahele e hiki ai ke loaa ka pono ia Walaka no ka lapaau ana i ka ma'i lepera. Ina no e kalahea ana oe me ka leo nui mai Kalihi mai a loheia kou leo i Molokai no ka ae ana aku ia Walaka e lapaau i keia ma'i, he hiki anei ke loaa aku ia pono mamuli o kau kahea ana? Aole. E nana aku : ka manao 0 ka Lunahooponopono o ke Kuokoa ma ke Kuokoa o ka la 4 ame ka la 26 o ka mahina 0 Aperila, ame ka helu o ka la 11 ame 18 o Okatoba, e ike no oe aok ke Kuokoa he hoopilimeaai, aka he ku ma ka aoao o ka lehukhu e hana ana hoi no ka pono ame ka pololei, aole o ka lia'u wale iho no o ka waha i ka makani, he puahiohio ka mea loaa. Aole e hiki ;a oe e Josephine ke pani i ka waha o ka Lunahooponopono o ke Kuokoa, no ka mea ke lohe nei ke Akua oiaio i kan.i pule, a ke lohe pu ne\ na mokupuni 1 kana mau leo uwalo no ka mea e liooia nei he hiki iaia ke hoola i ka Ma'i lepera, aole o kau olalau, o ka poe o Kalaepohaku ka poe hoolohe mai i kau. Ke ole e kuhihewa ka Lunahooponopono o ke Kuokoa e liiki mai ana 110 ka fa e hele hou mai ai oe e ike iaia, a e kukuli mai malalo o kona pakaukaii, a i ole e kaula'iia ae ai paha na "iwi o Hua i ka la," nolaila ua lawa pane aka Lunahooponopono ia oe Josephine E malia L. Pūeamakakaualii Kamakaluhi, a o ke aloha no kou.