Ka Nupepa Kuokoa, Volume XLII, Number 44, 1 November 1907 — HE FOROGA HOOIO. [ARTICLE]

HE FOROGA HOOIO.

KA MOTO A KA HOKU HAWAII. E kuu Kiloha, Ulu Mahiehie wale:— E oluolu mai e hoike aku i ka "Moto" a kou pokii "Ka Hoku o Hawaiii." i ike mai ai na kini manu o kaua mai ka la puka ma haehae a ke kowelo ana a ka la i ka ilikai o Lehua. A penei na koiikoi e hene ai o ka aka: , , , . I kekahl la. haalele iho la kekahi Foroga makuahine i kana mau keiki iloko o ka muliwai a hele aku la, iaia hoi e hele ana, hoea mal la ka pu-a bibi no ka inu wai ana, a hehi iho la i kekahi mau keiki a palahe liilii. I ka holo ana mai o ka makuahine a ike i keia mea i hanala, ua pii ae la ke kai o ua wahi Foroga nei, a ninau aku la i kana mau keikl penei. "Owai k a poe i hiki mai nei? a nawai i hana iho nei i keia mea?" I ka lohe ana o na keiki i ka ninau a ko lakou makuahine ua pane mai la lakou me ke ano kaumaha penei: "Na kekahi holoholona nui, i hele mai nei no ka inu wai ana." I ka lohe ana hoi o ka makuahine i ka olelo a kana mau keiki, ua hoopuka ae la oia i ka huaolelo ano hooio, penei: "Apopo o haawi aku ai au i uku panai kupono maluna ou e kena holoholona hookano i kuu mau keiki." I ke kakahiaka nui ae o kekahi la, oia hoi ka la e hele hou mai ai ka pu-a bipi no ka inu wai ana, ua hoopilia Iho la oia i kona kino a plha i ka makani, a kahea aku la i kana mau keiki me ka ninau ana, penei: "Me Reia no ka nui o ua holoholona nei?" I ka lohe ana hoi o na keiki i ka ninau a ko lakou makuahine, ua puiwa ae la lakou a hooho like mai la penei: "Auwe! E mama eī! Ina no oe e hoopiha i kou kino a piha 1 ka makani. aole no i like aku ka nui me ka wawae hookahi o ua holoholona la." I ka lohe ana hoi o ua wahi Foroga hooio nei i ka pane a kana mau keiki, ua hooi loa ia ae ia ke kuaki me ka nau ana o na ku'i, a hoopuka ae la i kela mau huaolelo; "Aole ia he mea no'u e kuemi hope ai." Me ka hooio nui, hoopiha hou lhu la oia i kona kino i ka makani no ka lua o ka manawa, i ka wa hoi i piha pono ai ke kino i ka makani, ua pa-hu ae la ka opu, a make loa iho la ua wahi Forogn hooio nei. O ke kumu hoohalike a "Ka Hoku o Hawaii" no keia "Moto." Ua like me kekahi poe e alualu nei i ka oihar.r. me ka manao he hana hlki loa iaia ke hana, i ka hoao ana nae hiki ole. Auwe no ka hoi ka pili pono e! Eia iho no ke "Kia Pohaku Mabala Hoomanao" oia poai, ke hinuhinu ae la i!ok.o o ka Hoku o Hawaii. He lilelile hoi kau! nolaila, o ke aloha no kou a nui e kuu K'lohana Pookela, ame kou mau keiki miliopu hua kepau ko'u anoai |iui. E. P. KAHIHIA. I>ihipali o Hanaio, Kohala, Oct. 28, 1907.