Ka Nupepa Kuokoa, Volume XLII, Number 44, 1 November 1907 — NO KE KOLOHE KA HULIIA ANA LOAA NAE HE MA'I LEPERA. [ARTICLE]

NO KE KOLOHE KA HULIIA ANA LOAA NAE HE MA'I LEPERA.

Ua hele mal kekahi Pake kanu lalkl o Kalihi e hoopii i kekahi poe keiki kolohe no ka okloki ana me ka hoomainoino i kekahi o kona mau hoki ma ka hora awakea o ka Poakolu o ka pule i hala a ma ia hana ana i paa ai kekahi keiki ma'i lepera i ka hopuia. Ua hele mai kela Pake nana i hoopii mai a imua o ka makai a hoopii mai la i kekahi poe keiki ana i hoohuoi ai na lakou i hana i keia mau hana hoomainoino i kona hoki, a ua laweia mal e ka makai kekahi keiki Pukiki, no ka nanaia e ka makaikiu Taylor. E uhi mau ana kela keiki i kona mau lima me kona papale i kela manawa apau a ka makalkiu Taylor e ninaninau ana, a n.i kona Raa mau loa i kona mau lima malalo o kona papale ua komo mai la ka hoohuoi iloko o ka makaikiu a no ka pau ole o ka manao hoohuoi ua olelo aku la oia e wehe ae i kona papale a ia manawa ua ike koke ia aku la ka pepee o kona lima. Ua laweia aku oia no ka halemai o Kalihi mahope iho o kona aeia ana aku e hoi i kona hale no kekahi manawa.