Ka Nupepa Kuokoa, Volume XLII, Number 45, 8 November 1907 — LEDE ANOLA Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia laia Iho Iloko o ka Haawina Laahia o ka Mare ma ke Ka'e o ka Moe Make AOLE MA KE KUAHU. [ARTICLE]

LEDE ANOLA

Ka U'i Hookalakupua Nana i Hoehaeha aku i na Puuwai Elua A I OLE Ka U'i i Molia laia Iho Iloko o ka Haawina Laahia o ka Mare ma ke Ka'e o ka Moe Make AOLE MA KE KUAHU.

MOKUNA VI. I "UA HANA NO WAU I KA MEA E POINO-AI I KO'U OLA IHO." i 4 Ua nui loa ko Miss Madelena hauoli no keia hoomakamaka ana 0 kana kaikamahine me ka Lede Anola, a ua lilo no hoi i mea nana e noonoo nui ai e like no hoi me Mr. Anola ma no ka laua kamakahi, a ua lilo i mea hoohauoli like ia lakou apau ka ike ana i ko Lede Anola loli nui ana ae mai ka nawaliwali loa a i ka nui maikai o kona kino; a e like no hoi me ka loli i ikeia ia ia la pela no hoi i ka lede opio Made. No kekahi manawa i hala ua loaa no ia Made ka nawaliwali, a ua hele mai la kona helehelena a haikea, hohoma mai la kona mau papalina, a ua hlo ia i mea e hookaumaha loa aku ai i ka noonoo o kona aka, oiai no oia i kahi moe me ka nawaliwali, ua hoiaa nui īa no kona aloha no ka Lede Anola, no ka mea aole o ka nawaliWuli ma'i wale no ka mea nana i hookomo loa aku iaia iloko o ka pilikia, aka, o kela kuli maui no kekahi ona i okupe ai, aole i ola. A 110 ko Lede Anola pono ua hooikaika mau o Made e hooluolu aku iaia a hoohauoli aku hoi ma n a ano apau e hiki ana iaia me ka nana ole i kona ma'i iho. A no Miss Madelena hoi ke pii mau ae la kona ikaika a ohaha mai la kona ola kino, a ua hauoli maoli no oia i iko laua hooholo ana e hele ma kela wahi e hoomaha ai, no ka mea, ke ike nei laua i ka waiwai loa o ia manao ana pela; aole oia wale aka ua loaa pu ia laua he mau hoaloha maikai iloko o ka ohana Anola. Ua ike laua o ko laua hoohuahualau ana, he nui a lehulehu loa ka poe i īke a i kamaaina i ka ohana Anola ma Nu loka, a ua loaa mai ia ike ia laua mahope iho o ko lakou hookamaaina loa ana iho. Aole nae lakou i ike a mahu'i iki ia wa aia kekahi punawelewele e hoohihia ana i kekahi ohana me kekahi. I kekahi la e noho akoakoa like ana lakou apau mawaho o ka lanai o ka hale, a e haha'i ana o Lede Anola i kona moolelo o kela ulia s>oino ona ma Nu loka ia MJa ! de, ke kumu hoi i loaa ai iaia o niaui a i loaa ai iaia kela oopa. A oiai oia e kakahele ana i ke kamailio ua hoopuka ae la oia i ka inoa o kahi keiki nana i hoopakele iaia ma kela la ana i okupe ai ma ke alanui a eha ai kona kuli a ka mea lieluhelu no paha e poina ole la. "Owai ka inoa o kela wahi keiki koa wahi au? aohe hoi oe i lia'i mai nei i ka inoa," wahi a Made i ninau hoomaopopo aku ai. "Ae, pela io hoi. O kona inoa o Bertie Tain, oia ka Mrs. Agnew i ha'i mai ai ia'u, oiai au e noho ana he pio ma ka halema'i o kela wahine ae la. He walii inoa ano e no hoi, aole anei? —oia hoi ka inoa hope ?" "Ae. he wahi inoa ano e no,"' wahi a Made i pane aku ai, a loli hou ae la ka laua kamailio ana he mea okoa. Aohe mea i ike aku i ka hoekeu ana ae o Miss Madelena i kona poohiwi i kona wa i lohe aku ai i ka inoa hope o kahi keiki, a aohe no lioi mea hookahi iwaena o kela anaina 1 hoomaopopo 1 ka haikea o kona helehelena, me ka lele ana ae o kona hauli me he mea la ua la- * puia mai oia. • Ma ke kua loa 'oia o ke anaina kahi i noho s mai ai, a ua hauoli loa oia no kona noho ana malaila kahi hoi a Mr. Anola ma e ike ole mai ai i kona helehelena haikea, no ka mea, i ka wa ana i lohe aku ai i ka inoa hope o kahi keiki i puanaia mai ai e ka Lede Anola ua lilo loa ia i mea nana e hoohakui ae ai i kona noonoo ia manawa me ka ehaeha nui. Aka, hooikaika wale ae la no oia me ke ano hoomalae a hoihoi hou {nai la i kona mau noonoo maikai a like me kona ano mau, eia nae ua hele oia a haikea, a .ina e nana ia mai ana kona helehelena e ka poe e noho pu ana, e loaa ana no he mea e paha'oha'o ai i ko lakou mau neonoo no ka loli ano e o kona helehelena me ke kumu ole. ke kaii hou ale iho ku ae la oia ilun'a a pane iho la i (kana kaikamahine me ka hoomalae, "'e manao ana wau e hoi, e Made, a e nanea no hoi oe me lakou nei a ka wa kupono alaila hoi ae. He mau leka ka'u e kakau aku ana, a ua makemake au e makaukau mamua o Vca laweia ana o ka leka i ka auwina la." "Alaila aohe oe i oluolu pono loa, e mama?" wahi a Made, no kona ike ana aku i ka helehelena haikea o kona makuahine ame ke paha'oha'o pu i ke ano o kana kamailio ame kana oni ana. '"He oluolu maikai no wau e like me ka mau; no ke ano mahanahana loa paha kekahi o.ka wela o keia auwina la oia paha ke kumn 1 ano uiha ai." Eia ka auanei ua eha aku la i ka hoike ana o ka Lede Anola i ka inoa o kela wahi keiki. E ike aku ana ka mea heluhelu i ka moolelo o keia wahi keiki ma keia hope aku a ia \va e hoomaopopo iho ai ka mea heluhelu i ke kumu o ka eha ame ka walania ana o ka naau o ka Lede Madelena. E hoomaopopo pu iho ka mea heluhelu he maa olelo hoonalolialo wale no kela ana i mea e ike ole ia mai ai ke kumu o kona hoi koke. Ua ukali aku la o Mr. ame Mrs. Anola iaia a hiki i ka puka pa, a hoi aku la oia a hele holoholo wale aku la no hoi laua la a koe iho la na wahi lede opio nawaliwali e u kukahekahe ana olua wale no. "Ke manao nei au he lede u'i maoli no o Miss Madelena i kona mau la opio," oiai e kaukolo p>ono ana ko Lede Anola mau maka iaia e hoi maiie la a kaa ma kela aoao o ke alanui; "no kekahi manawa i hala, me he mea la aia kekahi mea ano nui iloko o kona noonoo kahi i lauwili ai pela ka nana aku i kona helehelena kaumaha, a no ia ano ona ua aneane wau e uwe." "He mea oiaio kau e noonoo la; i ko mama wa opio, ua nui na hoao i loaa iaia, a oia kaumaha i loaa iaia, ke manao nei no wau, aole 110 i mamao aku mai kona naau aku a hiki i keia manawa," wahi a JMa!d|e i pane a ku ai me ke kaniuhu o ka naau kaumaha, me kona noonoo ana he nui no na kanaka ame na wahine iloko o keia ao i ha* la\vai me na hoao he nui i ko lakou wa opiopio. '"He ao kupaianaha maoli no keia i ko'u manao," wahi a ka Lede Anola i pane mai ai me ka nalu nui ana. "Ma ke ano hea la?" "Ma ke ano no hoi paha ua oi aku na kaumaha ame na ehaeha mamua o na mea e hoohauoli mai ai." "Ae, pololei kela," wahi a Made i panai mai ai me ka hohola ana ae o ke aka kaumlaha maluna o kona helehelena; oia maoli no fyca hopena o na hana kuhihewa a na kanaka e noho ana ma ke ao nei. "No keaha no la hoi na kanaka i hana ai i na hana kuhihewa? he hemahema nui maoli keia i ikeia iwaena o kakou," wahi a Made. w No keaha no la hoi kakou i hookupaa ole ia ai a hana mau ma ka pololei i na wa ap"**?" "No kaua ihoV<ea la? I ka nana aku me he mea la aole paha

pe i hana īki i kekahi mau hemahema," wahi a Made i kamailio aku ai i kona kokoolua ine ka minoaka ana iho, me ka ehaeha no nae i ka Lede Anela. "O, ua nui ko'u poino mamuli o ka'u mau hemahema i liana ai. Ua nui no na pilikia i loaa 1 ko'u ola ana mamuli o ko'u makapo ame ko'u makaala ole i na hemahema he nui a'u i hihia ai," wahi a ka Lede Anola » pane mai ai me ka leo kaumaha. No kela mau hoakaka a ka Lede Anola no kona mau pilikia ua hiki ole īa Made ke uumi iho i kona aloha, a halo'ilo'i mai la kona mau waimaka. "He opiopio no hoi oe—malia paha aole nō hoi i lohi loa ka mae hoopololei hou ae ai oe i kou mau aoao hemahema, ina ua hana oe i kekahi mau hewa mamua," wahi ana i pane aku ai me ka 1 nahenahe. "E hoopololei ae i kela mau hemahema? O, aole; hauoli maoh hoi ha wau ina he hiki ia'u ke hana pela; aole paha e hiki ia kaua ke hou aku i ka mea i make e ala hou mai a e lioopau ae i kela hemahema he mea paakiki loa ia oe ka manaoio ana iho ua lokoino maoli ka make ma o ke komo ana mai a kaili aku i ka mea a'u i hauoli loa ai, a i aloha nui ai hoi mai ia'u aku —aok paha oe e manaoio mai ana ia'u ke ha'i aku wau ia oe he wahine kanemake wau, e Made?" wahi a Lede Anola i pane aku ai, me na waimaka nunui e 1 hiolo ana me ka hiki ole iaia ke huna iho i kona mau ehaeha. L Ua huai aku oia i kona mau ehaeha ia Made me ka po'ipo'i ole iho ! i 'kekahi mea; o kona makemake nui 1 kela manawa e luia ae kekaiū • kaumaha mai iaia ae a ua manao no oia ina no e hoike aku ana i kana mau mea huna apau ia Made, aole no oia e huai ae ana ia mea e l?ke. no hoi me kona huai ana aku ia mea i kona mau makua a nalo ia mea īa laua. "He wahine kanemake!" wahi a Made i pane mai ai me ke kahalia, me ka haikea ana ae o kona helehelena i kela manawa," aole wau i • manao he pilikia e ae kekahi ou mawaho ae o kou nawaliwali maol:, no kou komo ole hoi i ka lole kanikau." "Aole," wahi a ka Lede Anola i pane mai ai, me ka naka haalulu ana ae. "Aohe makemake o Roe i ka lole eleele, koe wale no aia a kom me kekahie mau lole ano e ae, a nolaila he keokeo wale no ko'u loie e komo ai—oia hoi ke noho au i ka hale; no'u iho aohe no o'u makemake e komo mau i ka lole eleele. 0 k'a lole eleele iloko o ko'u naau ua lawa ia kanikau ana no ka mea a'u i aloha ai. E haha'i aku wau ia oe i ko'u moolelo piha, ea 5 " 1 kela wa kulou mai la o Made imua a honi mai la i ka wahine ka -, umaha ma ka papalina. He makemake hoi paha wau e lohe ke oluolu mai hoi oe, a ke manao mai hoi oe he hoaloha wau nou e huna ana i kau mau mea liuna ?jlt>au;" wahi a Made i hawanawana mai ai. A no ka Made noi ua ha'i aku la oia i kona moolelo mai ka mua a i ka hope; ma ka hapa liope loa o ka moolelo aole e hiki ia Made ke kaimailio niai. Ua haawe iho ke kauinaha ame ka inaina pu i ka \va hookahi i kona wa 1 lohe ai i na mea e pili ana ia Fonatana ame kana mau hana lapuwale i hana mai ai maluna o ka Lede Anola hala ole. 0 kahi i lapuwale loa ai o Fonatana i ko Made manao oia no kona hoolaha ana maloko o nanupepa no ko laua mareia ana, a oia hoolaha i ikeia maloko o na nuepa ka mea nana i hoehaeha loa aku i ka ohana Anola. Ua nui loa ka ehaeha o Mr. Anola no kela hana hoohihia wale, a lua hooholo lakou e wailio malie ia mea pela 110 kekalii manawa, a nolaila aole lakou i hooiaio a aole hoi i hoole, aka, waiho wale iho no i ka wa. Mahope mai o kela manawa aole i ae iki ia o Mr. Fonatana e kipa aku i ka liome o Mr. Anola no kekahi manawa loihi; a ua hoole loa no hoi o Lede Anola 1 ka hookipa ana mai iaia iloko o ka hale me ka makemake ole e ike aku iaia, a e kamailio pu paha me ia, oiai nae oia (Fonatana) e ake nui mai ana e ike i hui e halawai me Mamalahoa. 1 kela manawa apau aia no o Mrs. Davenport ma ke komohana loa kahi i nolio ai me ka ike ole mai i keia mau mea apau e hana ia aku nei, a ua hauoli nui loa nae o Mr. Anola ma no kona kaawale ana, a nolaila aohe ana mea i ike a i lolie paha e pili ana ia Leed Anola. He loaa mau mai no kana wahi leka ia lakou e hoike mai ana i kona kulana nawaliwali no aole oia i palekana ae mai na lulumi ana a ka nawaliwali a i oi loa aku hoi kona kaumaha mamuli o kona lohe ana aku i ko Roe make ana, kania keiki hookahi wale no mai kona puhaka mai. No na mea e pili ana i ko Roe pilikia ua waiho malie lakou ia mea a hiki i ka oluolu pono ana ae o Lede Anola; a ina e loaa io ae ana ka oluolu maikai i ka lede ma'i alaila mahope aku e hoomaopopoia aku ia mea. Ua paa ko lakou manao e holo 1 Parisa e hoihoi mai i na iwi o Roe ke loaa ia lakou he manawa kupono mahope iho o ko Lede Anola oluolu loa ana ae, a e huli pono hoi i na mea pohihihi apau e pili ana ia Roe. A me keia mau manao kaumaha waiho pu iho la lakou no ke kakali ana i ke ko ana a ke au o ka manawa. "1 MOKUNA VII. KA HOOHOLO ANA NO ICO ROE HOPENA. 1 i E waiho maiie kakou no ka manawa i na u'i opio me ko laua ohana e kaniuhu nui ana me na haawe kaumaha e hekau ana maluna o lakou, a e hoihoi hou ae kakou i ke kamailio ana no Roe ka mea i manaoia ua make e like me ka hoaloha a Gilibate Fonatana, maloko o na nupepa. Ua piha ka eono mahina mai ko Roe haalele ana iho ia Nu loka afau aku la i ke kai loa no ka huakai imi ola i Parisa e like me ka kakou i ike mua ai ma na mokuna i liala. I ka piha ana o ka mahina hookahi o Roe maloko o ka halema'i Maison Dieu de Paris, ua ike kakou ma na mokuna i liala i ka mea i hanaia nona malaila e ke kauka kaha'Pafela; a oiai oia (Roe) iloko o ke kulana kupilileii loa he kulana hoi i maopopo ole ka hopena, he anoninoni no niawaena o ke ola ame ka make ua ike kakou i ka hiki ana aku o kekahi kauka malihini ma ka inoa o Kauka Gill. Ua ike kakou i kopa hoao ana e lawe i ke ola o Roe me ka wai laau make iloko o kana walii omole a ninini ai iloko o ke kiaha laau. E wehewehe aku ana ka mea kakau ma kahi o ka inoa o kela kauka malihini i hiki aku ai i kela halema'i malalo o ke koloka o ka inoa hoohepa, Kauka Gill. E pono e hoomaopopo ka poe heluhelu aole keia he mea okoa o Gilibate Fonatana no keia mailuna a lalo. 1 Ua la\{e oia i ka hapa mua o kona inoa a ua hoonalo oia i k'a hapa hope—a ina no e hooholopono loa ia aku ana e loaa pono ana no ke kolohe. Ua ike pu ka mea heluhelu aia ka laaumake iloko o ke laaha, a o ka rula o ka hanai ana i ka laau i kela ame keia hora hookahi puna laau, a ua kokoke loa mai ka manawa e hanai ia aku ai ka laau ia Roe. Owai ka mea e ike mai i kela manawa a Kauka Gill i ninini ai i ka laaumake iloko o ke kiaha? He manaolana anei kekahi no ko Roe palekana? He mea pono anei ia Roe e make me kela ano hana karaima eleele loa? He lima kokua anei kekahi malaila e hiki ai ke hoopakele ae i ko Roe ola mai ka make mai i makaukau loa ka lua kupapau e ale aku faia? 1 H|e mau ninafu keia na ka mea paha'oha'o e nnnau iho ai, a je loaa aku ana i ka mea heluhelu ia ike ma keia hope aku. Hakalia no a haalele iho ke Kauka Gill i ka rumi a Roe e moe *|na, aole paha i piha hookahi minute, aia hoi, ua komo mai la ke'kahi wahi keiki me na maka li-o mohaha nunui, me ka piha i ka inaina nui a kokolo hele mai la oia me ka aloalo ana ma o a maanei o ka rumi a ku ana ma ka puka. O Bertie Tain no keia, kahi keiki elele, a mamua o ke komo ana

mai o kela kauka Gill ame Kauka Papela iloko oka rumi, ua holo nuia oia e pee :na kekahi rumi aku. "He wahi keiki b.pu\vale maoli oe." wahi a ka kauka, ka mea hoi i kauoha ia e ke kauka Paiela e kiai makaala loa ia Roe, aole e haalele i hookalu minute.« Ua hele oia a kahukaena i kona wa i ike aku ai i kahi keiki, ame kona mau niho keke ame na ku'i e nau ana i ka ukiuki, ua pane aku la oia ma ka olelo haole pahemahema, "e kela walii keiki lapuwale, heaha kou mea i haalele ai i keia rumi, a hele oe ma kalii e? Ua olelo wau ia oe e noho malie oe maanei a e kiai i keia kanaka ma'i. Ina oe a mawaho haua ia e a'u ko poo i ka laau." He oiaio ua kauoha ia keia wahi keiki e ka hope kauka e kiai ia Roe me ka haalele ole; a ua hele aku oia e kii i laau hou iloko o ka rumi waiho laau, aka, mamuli o ka manao hoohuoi iloko o Bertie no kela kauka mahhini, ua koho no oia he ano hana lapuwale kana, oia ke kumu o kona holo ana e pee a hakilo mai la maloko mai o kekahi rumi a Roe e moe ana. "O, e oluolu oe e kala mai ia f u" wahi a Bertie i hawanawana mai ai me ka ha&lulu me kona mau maka li-o e haka pono mai ana i ko e kau ana maluna oke pakaukau, aole tiīki ia'u ke aVo ae ua ike mua wau 1 kela kanaka malihini me ke kauka Pafela i komo mai nei, a—a ke hopohopo nui nei au nona." "Lapuwale! heaha aku kau e hana ai? nana oe, e make ana kela kanaka ma'i! a mamuli o kou makaala ole, e poino ana ke ola o ke kanaka a Kauka Pafela i minamina loa ai." Ua hoomahuahua loa ia ka huhu o ka hope kauka maniuli o ka hele ana aku o kahi keiki uuku i piha 1 ke aloha no Roe a hoohanini aku la i ke kiaha laau e kau ana iluna o ke pakaukau, a au aku au mai ka laau iluna o ka papahele. 0 keia no ke kiaha laau a Kauka ftill i ninini ai i ka laau make mailoko mai o kela wahi omole laau ana a haalele iho ai me ka manao (maopopo loa e make io ana o Roe mahope iho o ke puna mua loa e hoainuia aku ai. Ua paa io no kona manao e make ana o Roe, ua paa no kona manao ua hoainuia o Roe me kela laau; a no ia paa o kona manao pela, oia ke kumu o kona hoolaha ana ma na nuepa ua make o Roc, aole oia e ola hou mahope iho o ka inu ana. Aole oia i manao he mea kekahi malaila e ike mai ana i kana ninini ana i ka laau make iloko o ke kiaha laau, a ua hauoli loa oia i ka holopono ana o ia manao lapuwale ona, aka, ua lilo kana moeuhane i upu ai i mea nona e poino ai, no ka mea, aia malaila kekahi mea e ike mai ana i kana hana lapuwale, ma kahi kokoke loa hoi he hoola a he hoopakele no Roe. 1 ka wa a kahi hope kauka i ai i ka hanini ana o ke kiaha laau, ua pahikuia iho kona huhu, me ka hailiili ana me na olelo ino a pau ma ka olelo Farani, a ua lohe aku nae kahi keiki Amenka i kela ano olelo. Ua holo mai la ua wahi kanaka Farani nei a hopu mai la ia Bertie me ka lulu ana iaia ma ka poohiwi, me ke kaniu ana ae ma kona poo. Ua piha maoli oia i ka huhu no Bertie ua hele a nau na ku'i aole nae oia i ike i ke kumu o ko Bertie hoohanini ana; a ina paha i ha'» aku o Bertie iaia i ka mea i hanaia iloko o ke kiaha e ke kauka malilnni, ina la paha ua ike iho oia i kona hewa nui ma o kona haalele ana ia Roe, oiai oia ka i kauoha ikaika ia e ke Kauka Pafela e kiai paa loa me ka haalele ole ia Roe. A oiai oia e noke ana i ke kamailio hailiih aia mau ilalo ko Bertie maka kahi kulou ai, me kona mau papalina ua hele a pii ka ula me ka nui oka hanu. Ua ike no oe he nui ke kumukuai o kela laau au i nimini aku nei apau loa, a pehea oe e hana ai i mea e loaa hou mai ai i laau e like me kela au i ninini aku nei ? "Hele koke oe iloko o ka rumi waiho laau me kela kiaha a hai pu aku oe ia Kauka Pafela no kau mea i hana iho nei, a e olelo aku oe e haawi hou mai i laau hou. "Wikiwiki, o peku ia aku oe e a'u: makemake wau i ka laau ilok.) o umi minute," wahi ana me kona alawa ana ae i ka uwaki. Umi minute! naka ae la kahi keiki me ka haikea pu o kona lielehelena. Ina aole oia i ninini aku i kela laau, alaila īloko o umi niinute wale no e hooholo ia ana ko Roe hopena no ka manawa mau loa. "He pono ia'u ke auamo i na ehaehā apau o keia hana maluna o ko'u hokua no ko Roe pono," walii a Bertie i namunamu iho ai. Me ke kali hou ole iho lalau aku la o Bertie i ke kiaha e like me kana i kauohaia mai ai a haalele koke iho la i ka rumi, a hele aku l.v me ka naau hauoli no ko Roe pakele ana mai ka make mai, eia nae, aole i pau kona ano haalulu no kona pihoihoi ame ka maka'u pu, me kona hele ana ae a haikea. I ka wa 1 loaa ai ke kiaha ia Bcrtie, ua hele aku la oia me ka awi|wi o peku ia mai oia e ka hope kauka, a puka aku la iwaho me ka alawa ana mai ihope. Aole oia i hele pololei i ka rumi waiho laau e like me ke kauoha, aka, ua komo aku la oia iloko o kekahi wahi runu a aia malaila he kiwai. Holoi iho la oia i ke kiaha laau a maemae me ka awiwi, kawele iho la a maloo, a holo aku la iloko o ka rumi waiho laau. 0 ka pau ana ae no ia o ka Kauka Pafela kamailio ana me Kauka Gill hoopunipuni, a hoike aku la oia 1 kana mea i hana ai, oia ka hanini ana o ka laau iaia, ame kona kauoha ia ana aku e kii hou aku i laau hou. Ua nui loa ka huhu o Kauka Pafdla i kela manawa no ka hanini ana o ka laau, ike iho la oia ma kana uwaki, ua kokoke loa ka maniawa e hanai ia ai o ka laau, a hoohuihui awiwi iho la oia i ka laau a haawi aku la ia Bertie. Ma kela wa i komo inai ai ke Kauka Pafela me ke kauka Gill iloko o ka nimi o Roe, a oiai laua e hookokoke mai ana, ua puka mua aku la o Bertie me ka palaminio loa a komo aku la ilokō o kekahi wahi rumi ma kekahi aOao mai o ka rumi a Roe e moe ana me ka ike ole ia mai. Aia maloko o kela rumi he wahi puka aniani a ua uhiia me ka pale nahenahe. 1 ka wa i komo aku ai o Bertie iloko o kela rumi, ua kikoo ae la oia iluna i ike mai ai i na mea apau e hana ia ana iloko o kela rumi me ka wehe ana ae i ka pale a kiei mai la iloko o kahi a Roe e waiho ana me ka oni ole; a iaia e kiei ana, oia no ka manawa a kela kanaka puu* wai eleele malihini e ninini ana i kana laau make iloko o ke kiaha laau a kakou i heluhelu mua ae nei. A i kela manawa a Bertie i ike aku ai 1 ka ninini o ke kauka malihini i ka laau make iloko o ke kiaha laau, ike ihō la oia i ke kumu i hele mai ai o kela kanaka i kela wahi i kela la; a akahi no oia a hooia īho i kana i hoohuoi ai me kona hooia pu ana iho o keia no ke kanaka ana i hahai hele mai ai mai Nu loka mai; keia la nae ke hele mai nei oia me ka hunahuna i kona helehelena me ka manao ekaeka loa e pepehi i ke kane a kela wahine u'i ana i ike? ai ma Nu loka. Ua ike maoli aku no oia i ka manao o kela kanaka i kela manawa ma kona helehelena iaia e nana pono iho ana i na helelHena o Roe; ua ike pu a ku no hoi ka kakou wahi koa i ka puiwa ana ae o ua kanaka nei i kona manawa i ike aku ai i ke kii o ka Lede Anola e kau ana ma ka paia a iho la kahi keiki i ka manaoino maoli 0 kela kanaka ma kona ike ana aku i ka namunamil ana iho o Kauka Gill me kona lohe ole aku nae i kekahi wahi puai leo. Kokoke loa oia e uwa ae i kona manawa i ike aku ai ia Kauka Gill i ka unuhi ana ae i kana wahi omole laaumake mailoko ae o kona pakeke a ninini iho la i ka laaumake iloko o ke kiaha laau o Roe, a o kona manao i kela manawa e holokiki iloko o ka mmi o Roe a e hopu 1 ke kiaha a paki iluna o ka papahele a e kukala koke ae 1 ka pepehi kanaka malaila i kela manawa. Ame na manao hakukoi e hakuikui ana iloko, noonoo hou iho la oia e uumi malie oia ia manao pela, me kona hopohopo nui no nae o haawi e ia ka laau ia Roe mamua o kona haalele ana iho i ka rumi. Aole ? pau.