Ka Nupepa Kuokoa, Volume XLII, Number 45, 8 November 1907 — KUU HOME O KA NANI UA HALA [ARTICLE]

KUU HOME O KA NANI UA HALA

Mr. Lunahooponopono, Aloha oe:— Ke noi haahaa aku nei au Imua o kou hanohano ame kou lokomaikai e ae oluolu mai ana anei oe i kekahi wahi kaawale o ka kaua milimill a nau hoi e kuu hoahanau e uwila aku i ike mal na kini, na hoahanau, na makamaka, na hoaloha puni heluhelu meahou e noho ana ma kela wahi keia wahi apunl ka Paeaina. Ma ka la 30 o Okatoba, a ma ka hora 12:30 i haalele mal ai i keia ola mauleule ana o Mrs. Mama Hattie Puhi a niau hookahi aku la kona kino lepo no ka lepo, a hol aku la no hoi ka uhane ma kahi maha mau. Ua 'haalele iho oia ia'u i kana kane aloha 'ame ko'u kaikuaana me ka maua ke'iki hookama me ka maua kaikamahine hunona kane o keia no na keiki 1 no'ho pu i ko maua alo i hoomanawanui no hoi i na popilikia o ko lakou makuahlne e hakoko ana me na ehaeha o keia ola ana. Nolaila ua kaa mai keia ukana kau.maha o ka ehaeha ame ke aloha wahine maluna iho o'u ame ka ohana ame na moopuna apau 1 hooneieia i ka makuahine ole, a nolaiia, ke leha 'aku nei ko makou mau maka i ka 'Haku me ka manaolana e loaa mal ka maha ame ka oluolu mai laia mai. Aka hoi, ua olelo mai no ka Haku, aole au e haalele ia oukou a nele, owan pu no me oukou a hiki i ka hopena o ; keia ao; a e iike me keia mau oielo a [ka Haku, peia ka manaoio i loaa ia'u | me ka maua ohana keiki i noho iho malalo o na hooponopono maikai ana a ko makou makuahine, i oi loa hoi i ke kokua pu ia me ka Uhane Hemo--Ilele. He makuahine keia 1 haawi I kona naau, kona uhane me kona ikaika apau iloko o ka inoa o lesu Kristo maluna ia o ia inoa i ku ai no na makaiiiki loihi he 30 a oi, he makuahine haipuie oiaio, a ua a'o ikaika mal oia I ia'u ame ka ohana i na oih&na o ka I uhane, a he makuahine no hoi e hooikaika ana i na makuakane ame na l makuahine ame na opio i na Kuia Sabati, aole oia i haawipio malalo o kona nawaliwali ma ke kino a hiki i ka hora hope loa, a na ia manawa i ha'i mai ia'u ame ka ohana ua hala ia mama eia la ua hiamoe ia no ka hooluolu ana i ka luhi o ka hana ana no keia mau makahiki loihi, pau ka ehaeha pau ke kaumaha, he makua"hine heahea i ka makamaka, hookipa, he oiuolu v ma ka launa kamailio ana no na mea pili i ko ke Akua ano ame ka haawi pu aku no hoi i na kokua ana ma na ano like ole apau a he Krlstiano olaio mamua o kona haalele 'ana mai la ia'u. Ua kanu iho la oia i ka anoano o ka olelo maikai o ka Euanelio o Kristo iloko o ko'u naau ame ka maua mau 'keiki. Ua hanau ia o Mrs. Hattie Puhi mai ka puhaka mai o Mr. Meemano ama Mrs. Kekuai ma Kaneohe, Koolaupoko, Oahu 1 ka la 4 o lanuari, 1860, a ua loaa no iaia na makahiki maikai o keia ola ana, a ua mare ia maua i ka la 27 o lanuari. 1898. a nolaila ua noho ia e maua iloko o ka berita maemae o ka mare i keia mau makahiki he 27. Owau no kou hoahanau, I D. K. PUHI. | Helu 829, Honolulu, Oahu.,