Ka Nupepa Kuokoa, Volume XLII, Number 47, 22 November 1907 — NA ONENE KALAIAINA O KEIA MAU LA E NEE NEI [ARTICLE]

NA ONENE KALAIAINA O KEIA MAU LA E NEE NEI

Eia no kakou i na la hope o keia makahiki e nee nei, a aole hoi i hiki mai i na la mua o keia makah'ki ae, aka ke lohelohe waleia aku nei no nie ke onene mai o na hana pili kalaiaina mawaena o kekahi

mau alakai, no ka liuliu ana no ka hoouka kaua e hiki niai ana i ka mahina o Novemaba ae nei o keia makahiki ae. x Eia o Charley Aehi ke hoolala mai nei i k?jna papahana no ia hoouka kaua, a pela nō hoi o John Lane ma, ame kekahi poe e aku 110 hoi, no ke alualu ana i na kulana o ke Kalana, ame ka hooikaika ana e loaa mai ka ikaika mai ka poe koho baloka mai. Maloko o keia mau hoolala ana i puka ae ai kek'ahi manao, e hookau aku i ka Makai Nui laukea malunl o ka paa like me ko Aehi ma, aka ke hoomaikai nui nei ke Kuokoa i na mea a ka Makai Nui i hot>puka ae ai e pili ana : i kona manao kuokoa, me ka hoopilimeaai ole a kaiikai aku paha mamuli o ia hoohuiliui ana e loaa ai iaia ke koho | houia no ke kulana ana e paa nei i keia manawa. He nui ka ike o keia mau hana e hoolalaia mai nei i keia mau la, aka he mea pono no nae i ka poe koho ke akahele loa, no ka mea ua like no keia mau hana me na hana kukulu hui a makou 110 e hoaiai aku nei i ka lehulehu, oia hoi aia a noho pono ae lakou la iluna o ke aki, alaila moe aku ia kauahi ma o, he makole koo nei. O ke kahuahana a ka Makai Nui laukea hlawe ae ai a hoohana aku maloko o kona keena,-me ka nana ole i ka adao kalaiaina, o ia kahua ka makou i makemake ai e lawe mai ka poe koho a noonoo pono; ma ke kupono wale no o ke kanaka e nana ai, aole hoi ma kona aoao kalaiaina. Ua hala ka manawa no ka nana ana i na aoao kalaiaina-a hoomau aku hoi ma ke koho ana i na kanaka e hiki ole ai ke nana mai i ka pono kauhke no ka lehulehu, aka i ko lakou mau pono wale iho no. He mea makehewa wale no ke kau mau ana aku o na manaolana maluna o kekahi poe Hawaii i akaka loa ko lakou kupono ole no kekahi mau kulana ano nui, aole nae keia he mea e kaupale aku ana i kekahi poe kanaka Hawaii e aku, aka o poe i ike maopopoi'a ko lakou kupono, ma ko lakou mau lawelawe hana ana, o lakou na kanaka e hiki ai i ka lehulehu ke kau aku na maka no ko lakou kohoia> me ka nana ole hoi i kona a 1 ko lakou aoao kalaiaina hoi. Eia ke kau mai nei na maka o ka poe ko'iko'i a kuonoono o ka aina maluna o ia poe kanaka, a mai ia lakou no auanei e loaa mai ai na kakoo ana e hiki ai ia lakou ke noho ae ma na kulkna ano nui iloko o ka nohona hooponopono aupuni ana. O ka manao ana nae o kekahi mau alakai e hookomo aku i ka inoa o kekahi poe i ikeia ke ohohia ia o ko lakou mau inoa a hui pu aku me ka paa baloka o ka poe ake oihana a ake kulana he hana akamai no ia, aka e makaala loa nae e ka poe koho ia lakou no ka mea ua maopopo mua no ka laau ma kona hua, a pela hoi ke kanaka ma j kana mau hana.