Ka Nupepa Kuokoa, Volume XLII, Number 49, 6 December 1907 — HE MOKU LAWA'A KE KOMO MAI ANA. [ARTICLE]

HE MOKU LAWA'A KE KOMO MAI ANA.

Ua huli hoi mai nei o Ebena Low mai kana hiiakai aku nei i ka hikina, a ma kana hoakaka ma ka Poalua nei, ua manao oia e hookomo i elua moku heihei m'a kahl o hookahi ma ka aoao o Hawaii nei, ma kela la heihei nui e malamaia ana ma ka aoao pakipika nei. , O kana moku i manao ai oia no kekahi o na mokukuna e hoohanaia mai la e ka poe lawai'a ma na kapakai o Masakuseta ame Nu Faunalani. Ua kaulana keia mai| mokukuna no ka holo ame ke kupono maoli no ka (heihei, a he lehulehu o keia poe moku i hanaia e Cro\vninshield, ka mea nana i hoolala i ke ano o ka J?ana ana i na moku o Hawaii nei, a i paa hoi i ke kapiliia i keia la iloko o keia kulanakauhale.

Oiai o Ebena Low ma ka hikina, ua nui a lehulehu kana mau mokukuna J lawai'a holo loa i nana ai a i loi aku a\ no ke kuai ana, a no ka uuku o kana mea i haawi aku ai ua hoole y ka ona nona ua mau mokukuna la. A nolaila ua waiho pu wale 'oia ia manao no ka manawa, me kona hoomaopopo hou ola aku. A oiai ua nui loa kona makemake i kekani o kelfi mau moku nolaila ua waiho aku oia ia hana iloko o ka lima o kekahi kanaka ana i hilinai ai, a no kekahi manawa mahope mai ua loaa mai iaia he leka e hoike mai ana e loaa ana iaia kekahi moku ,o ka papa-ekahi a i kaulana no ka holo, ma ke kuai ke makemake oia, no ke kumukuai k'upono. A mamuli o kela lono i loaa mai iaia ua telegarapa aku oia i kela kanaka e ae aku ana i kela kumukuai a e hoounaia ae kela moku i Sana Pedro, no ka mea mailaila mai e hoomaka mai ai kela heihei. A nolaila e laweia ae ana kela wahi mokukuna malalo ae o ka Lae Hao me kona pe'a ponoi a hiki i kahi i makemake ia. He huakai loihi kela e holo ae ai me ka inoino o ka moana, aka, ua kapiliia kela ano moku no na kai oolea a*o na kela na lakou e'lawe mai ana i kela wahi moku he poe laeula wale no lakou i na ale ahiu kawahawaha o ka moana, e ike mau ia la ma na kapakai o ka Akelanika. O ko Ebena Low manao e hoounala ae kela moku i Sana Pedro a malaila e hoopihaia ai me ka ukana i loaa ai kona balakt> a T hikl mua ae oīa ilaila 1 ka wa k*ipono loa e hoomaka mai ai me na moku e ae e komo pu mai ana ma kela heihei. Ua manao maoli no oia me kela mau kela lawai'a o Gloucester, ame ka hilinai ana i ka holo o kela moku, ua paa no kona manao e mamao ana no kona moku mai na moku e ae mai apau e heihei ana.