Ka Nupepa Kuokoa, Volume XLII, Number 49, 6 December 1907 — E HOEA MAI ANA O REV. W. B. OLESON. [ARTICLE]

E HOEA MAI ANA O REV. W. B. OLESON.

Ma ke ku ana mai nei a ka Mokuahi Hilonian i Honolulu nei i loaa mai ai ka leka a ke kumupoo mua loa o ke kula Kamehameha Rev. W. B. Oieson,! e hoike mai ana i kona haalele ana aku ia Nu loka, a e hoea mai ana hoi oia no Honolulu nei. maluna mai o Mokuahi Alameda e ku mal ai ma ka ia 13 o keia mahina. E holo pu mai ana no oia me kana wahine ma keia huakai, a eia hoi na komite hookipa o ke kula ke liuliu nei i na hana hookipa no ka apo ana mai ia laua. Ua manaoia ina e lawe ae ana ka Alameda i na ia holo ehiku ma keia huakai ana ke holo mai, alaila e holo maoli aku ana na kpmite no waho o ke awa no ka hui pu ana aku me ka lakou mau malihini, a e hoolei aku ia laua me na lei, a ina hoi ma na holo no eono ka Alameda e holo mai ai, alaila aole e hiki ke hookoia kela lloolaia ana. E lilo pu ana laua i mau malihini na ke kumupoo o ke kula i keia manawa Mr. Home, a me laua no e noho al a hiki wale 1 ka huli hoi ana aku no Amerika mahope 1 iho o ka pau ana o na hana hoohiwahiwa hoomanao no ka piha ana o na makahlki he iwaka» lua o.ke ku ana o keia kula. Ma ka la Sabati ae mahope iho o kona hiki ana mai i ke-kulanakauhala nei. e lilo ana iaia ka ha'iolelo maloko 0 ka halepule o ke kula a e manaoiā ana oia ana kekahi o na gtnaina piha 1 na keiki e noho nei ma na wahhlike ole o ke kulanakauhale. Ua loaa mai no hoi na hooia ana mai na keiki kula mai e noho mai nei ma na mokupuni like ole, e holo mai ana lakou iloko o na la e malamaia ai na hana hoomanao o ke kula, a he mau 1a laukanaka ana ia o ke kuianakauhale nei i na keikl o ke Kula Kamehameha. Oiai no hoi oia ma Honolulu nei, e haawi pu ana oia he mau ha'iolelo i na keiki o ke kula i hemo, i wahi e hiki ai ia lakou ke hoohui ia lakou iho maloko o ka dhahui, rpe na manao lokahi, aole hoi e like me ia a lakou e noho nei, ka ike ole aku o kekahi i kekahi.