Ka Nupepa Kuokoa, Volume XLII, Number 50, 13 December 1907 — NA ANOAI O KOHALA AKAU. [ARTICLE]

NA ANOAI O KOHALA AKAU.

E Kuu Kilohana Maikal. Aloha nui: —E hawanawana ae oe 1 ka n\Ji manu 0 kaua, mai ka Wai huna a ka Manu 1 ka lihilihi o ka Lehua a liiki i ka Wai huna a ka Paoo i ka ili kai o Lehua, a nau no e telegarapa loa aku l kela ame keia pe'a o ka poepoe honua i na meahou o kuu aina kaulana o "Kahili Pulu Kohala na ka Makani." A penei na anoai walohia: MAKE I ALOHA NUI lA. Ma ka wanaao Sabati, hora 3 a. m„ Nov. 24, ua pauaho mai la i keia noho honua ana kuu haku kalkuaana Sam. W. Kaweio, a niau palanehe ae la ka uhane mai kona home kino ae, a hol aku ia no ka home mau o na mea apau Aloha no! Ua hanau ia o Sam. W. Kawelo ma Papaloa, Kohala 1 ka la 4 o ka mahlna o Malaki, 1849, a ua lawa no na makahikl he 58 iaia, he umi mahina, iwakalua la, ekolu hora a moe aku la i ka moe kau a moe hooilo no ka wa mau loa. He eiwa ko lakou nui mal ka puhaka mai o Mrs. Akaka ame Kawelo ko lakou makuakane, ua lawe aku no ka make i ka nui a koe wale no laua elua me kona kaikuahine hanau mua. He Peresidena nui oia no ka aoao Kuokoa Home Rula, o ke koo hol ame k?. pouhana oolea o ua aoao la no na makahikl i aul ae la. I ke au o ke aupunl Moi ua noho aku oia he koa no ke alo alii, a mai ke koa ae a ka lukanela ekahi. He nui a lehulehu na wahine i noho pu ia e ia, aka aole lakou i heluift me ke keiki, i ke kaikamahine o Niihau ola o Mrs. Koie Kamakahoohie o Kahaipiilani, loaa ekolu keiki e ola nei mai ko iaua mau puhaka mai. Ua hoomailo mua ka ma'i maluna o kona kino I ka makahiki 1903, a oluolu liilii I ka makahiki 1904, 1 ka 1905 pii hou ka pehu a kokoke no e hāule aku, mamuli o ke aloha la e na Lani loaa ka oluolu iaia a pau ka makahiki 1906, 1 ka mahina mua o lanuari, 1907, hekau hou ka ma'i a mal ia mahina ka pli mau ana a haule wale aku ia iloko o na ehaeha ame na auwe* ana he nui, a waiho Iho la i ka wahine ame na keiki, i ka nui ame ka lehulehu o ka ohana e pa'iau? ma mau aku no ka wa pau ole, luuluu! luuluu wale!! luulu wale hoi e!!! MAKE ME KA WALOHIA NUI. Ma ka Poakolu, Nov. 27 ma Hualua, Kohala, ua pauaho hou mai la 1 kela ao mauleule o Mrs. Lukia K. Aiapai, ke kaikuahine ponoi o na mea hanohano Chas. H. Pulaa ame H. M. Kaniho, a wahine mare mua a S. D. Kanehailua, a mai ko laua mau puhaka mai i loaa ai na keiki eha, elua kane elua wahine, a o ka elua o ka laua keiki hiapo o ka makai o ke Kalana oia o Ernest Kaopua Kanehailua Jr. Mahope iho o keia mau keikl kaawale laua a hiki I ka hala ana aku la. Nohp hou aku no keia wahlne me Mr. Pahoa loaa hou eha keiki, na Kauhane Hemolele hookahi, huina keikl a keia wahine e ola nei a hiki I keia la he elwa. () ka nui o kona mau makahikl he 46 no ia. OKAIKAI KA OIHANA MAKAi. Ua hopuhopu ia ae e ka oihana Makal he kanaono-kumamakolu paa moekolohe o ka lahui Poko Riko, a he ekolu paa I hookuu ia no ka moekolohe ana Iluna o ka moku; oiai he upepe wale ke Kanawai o ka aina I ke Kanawai o ka Moana. He elua Poko Ttfko nana 1 hana I keia mea, a ua hopu pu ia aku no lioi laua no ka hoike wahahee, a eia laua ke paa mai nei i ka pa kaila o Kulina Eleele no eono mahina. HOOHUIIA MA KA BERITA. ' Ma ka po o ka Poal.ua, Nov. 19, ua hoohuiia ae o Mlss Meliaka Mana o ka Ehukai aala Lipoa o Kaekueku me Ernest Kaopua Kanehailua o Kawaikauopahoa, a he mau opio wale no' 1 hele a maholehole i ka iniki mau ia e ka Makani Apaapaa, na opuu pua hoi, i mohala I ke kipehi mau ia e ke Kehau o na kuahiwl ekolu, na laau l ulu a lupalupa i ka hanai mau ia e ka Ua Apaapaa. "He mea maikai ka mare no na inea apau." Mahalo Ernest. 6 MR. PAE UA» HALA. Ma ka Poakolu nei i holo ae ai ka lono apuni, no ka make ana o ia naka nul a ko'iko'l o ka aina, kekahi koo ikaika o ka aoao KuoHoa Home Rula ame huila. Ua kii aku oia i kana wahine mare 1 Hamakua, malaila ua loaa i ka eha iloko o ka opu, a ma ke ala huli hoi no ka aina, make e iho la i Waimea, a hoihoi 16a ia mai kona kino wailua no ka alna nei a hoea i ka po Poalua la 2 o Dekemaba. NIUI KA MALIE. He mau la pumehana keia o ua aipa nei, nui ka malie aohe ua, he makani kamaaina no o ke Apaapaa, koe wale no ke kal ku-kahalelo, aohe ike wahi .i'a ia, a oki loa aku ka limu ame ka opihi. Kou haahaa, E. P. KAHIHIA. Lehipali o Hanalo, Dekemaba 6, 1907.