Ka Nupepa Kuokoa, Volume XLIII, Number 2, 10 January 1908 — AOLE KA LIMA PEPEE HE LEPERA. [ARTICLE]

AOLE KA LIMA PEPEE HE LEPERA.

E ka lahui mai Hawaii a Niihau, e ike mal oukou i na mea i hooholola e ka Papa Ola, a i lilo hoi i rula paa a penei na mea i hoomaopopoia. NA RULA HOOPONOPONO MA'I LEPERA. Pauku 1. O ka Papa huli ma'l i elua lala ka nui i hookohuia e ka P£(.pa Pauku 2. O na poe apau i nana ia e keia Papa huli ma'i, e piii no oia malalo o keia mau poo he ekolu (a) aole oia he Lepera; ot>) hoohuoi; (.e) he Lepera oia. Pauku 3. Ina paha he ekolu oi aku o na Kauka huii, a ua hooholo lakou aole oia he Lepera o ke kane a i ole ia ka wahine paha, 'a pela ka hoike, e hookuu ia no oia. Ina paha e iike me ka manao o ekoiu a oi aku o na Kauka huli he hoohuoi, pela no ke kane a l ole (a ka wahine paha, a oia iho ia no ka hoike. Ina paha e like me na manao o ekolu wale no o na Kauka huii, a ua loaa i ka ma'i lepera o ke kane a i ole ia o ka wahine paha, he hoohuoi, me ka hoakaka mua ia, e hoike ae ke kane a i ole ia ka wahine paha i ka Papanana o na Kauka iloko o eono mahina no ka nana hou ia ana. Ina paha e iike me ka manao o ekolu a oi aku o na Kauka huli ma'i a i hooholoia he ma'i lepera kona, o ke kane a 1 ole o ka wahine paha ua paa ia olelo hooholo. Ua lilo keia i kanawai paa no ka Papa Ola ma ka halawai i malamaia ma ka mahina o Augate la 13, 1902. H. C. SLOGGETT, Peresidena o ka Papa Ola. Aponoia: ' / C. CHARLOCK, V Kakauolelo o ka Papa Ola. f 0 ka ninau ma keia, a ke waiho ia aku nei na ka lehulehu e pane ae, oia hoi o ka Llma Pepee ua komo anei ma ke ano he ma'i hoohuoi aole paha? E ka lahui aloha, e heluhelu me ka hoomaopopo i ka manao o ka mahele 1, 2 ame 3, a maluna o keia mau mahele la e haawi ai kakou i na haina i na ma ka hoole a ma ka ae paha. He mau ninau keia no ke ola ame ka make o keia lahul, a kakou e makaala ole nei. 1 na Kau Ahaolelo i kaa hope ae, ua kau aku na manaolana o ka lehu- • lehu i ke ola ame ka make maluna 0 na hoa o ka Ahaolelo, aka o ka mea 1 ike ia, ua manao ia no e make pau loa keia lahui e like no me na mea i lawe ia ae i ke kau Ahaolelo i hala ae nei penei; He Kanawai e hīawi ana l ka mana hookohu i ka Peresidena o ka Papa hoonaauao i kahookohu ana i na Kauka e komo ma kela me keia o na hale kula o ka Paeaina holookoa me ka mana piha e nana i na keiki hele kula mai ka eono makahiki a pii aku i ka 18 makahiki. O ka huaolelo huli i ke kino o kela ame keia kino keikikane a kaikamahine, ua lawa ia ma ka olelo ana ae pau peapea 1 ke ahi o Molokal ka alna no na Mamo a ka Isaraela, auwe no hoi ka menemene ole. Aole no na lakou ma i lawe ae 1 ua pila kanawai la iloko o ka hale, aka, na kakou no na na kanaka Hawaii. Ina no na ka Lunamakaainana haole i lawe ae 1 ka Ahaolelo kela bila ina no ua maikai, no ka mea oia no ko lakou makemake o ka pau loa o keia lahui. No ka mea, ua hoike ae no lakou i ko lakou mau manao me ka huna ole penei: lie kanalima makahiki ma keia hope aku e nalowale aku ana keia lahui Hawali. Ua lohe au i keia mau olelo oiai au he 16

kahiki o ko*u mau la opio ma Lahaina i na makahiki i hala. O ka huina o ko'u mau makahiki 1 keia wa he G6 o ke Kahunapule nae nana 1 wanana ia mau olelo kuhihewa ua lawe aku ke Akua lala, a ke ole au e kuhihewa, aia oia lloko o kaimu ahi enaena o ka make mau loa, a o ka lahui Hawaii ka lahui a ke Akua. i aloha ai, eia no ia ke ulu nei ma ahonui o ka makua Lani. A koe wale «o paha mamuli o ko kakou kuhihewa kakou e make ai, oia hoi ke koho ana i na poe puni wale i ke ahelela e na poe noho mana ma« luna o ko kakou aina aloha. 0 ka puni waiwai, ka hoopunlpuni, kekahi mau kumu keia nana e hoolauwili ke kuokoa o ke kanaka, e nana ana hoi i - kona pono Iho, a haalele i Puna na hoaloha. Make no o Pamano i ka io ponoi. Pehea no la hoi ke kuhihewa oi kelakela o ka lahui? 1 ke alakai ana o Mose i ka lahui Isaraela mailoko aku o ka aina hooluhi, he kuhihewa o na kuhihewa o ko Aigupita poe naaupo i ke aiualu mahope o ka lajiui Isaraela ka lahul a ke Akua i aloha ai. Aoie no i ike ke aiii ame kona lahui o lehova ka Alihikaua, aka o keia alii hoi alualu me ka manao e hakaka me ke Akua o na kaua i ka ike ana o ke Akua he wa maikai ia pau loa lakou i ka lukuia, a lanakila o Mose me kona poe. Pela anei hoi e manao ia nei ka lahui e make ma na anuu apau, ke olelo nei au, aole i ae ke Akua e pepehi i kona poe' kanaka o na poe kuhihewa no ke pau i ka lukuia. Ina no e kuhihewa hou ana ōukou e na poe koho baloka o keia Kau a haalele i ka aoao e ola ai ka lahui alaila e hiki hou ae ana no he biia kanawai pepehi i keia lahui i keia Kau Ahaolelo ae. A no ka mea o ka oni iho la no ia o lakou nei ae, a malia o hiki mai no he manawa e hooko ia ai no na iini, no ka mea, o ka maka'U ole ia lehova ke alahele e poino ai ka lahui aloha ou e Hawaii e llke me na kanawai hapuku e ku nei, a e hoea mai ana ma keia mua aku. Nolaila, o ka ninau pili ole aku i ka hoohuoi a i ole ia, ua komo paha iioko o ke kanawai ma'l na poe lima pepee. E loheia ka manao o na poe apau ma keia kumuhana ano nui no keia nee ana aku no ka pono laula no na mea apau. Owau no, MOSES PALAU. Alanui Pauoa, Kalana o Oahu.