Ka Nupepa Kuokoa, Volume XLIII, Number 2, 10 January 1908 — HOIKE KULA KA AINA O KA EHAEHA. [ARTICLE]

HOIKE KULA KA AINA O KA EHAEHA.

Mr. Lunahooponopono, Aloha oe:— Ma Re Sabati, la 29 o Dekemaba, 1907 i kunewa aku la a ma ka hora 10 a. m., ua akoakoa mai na haumana me na alakai o na Kula Sabati huiia me ka trrtl mahiehie ma ka luakini o Kanaanahou, ma Kalaupapa. Hoomakaia na hana ma ka wehe ana mai a Mr. L. M. Painamu Kahu Kula Sabati o Kalaupapa *me na leo a'o i na haumana me na makaikai e hauoli ma ka mea kupono. Hoomaka na bana, himeni hui no na Kula, Leo Hwnanl, 184, mahope o ka hlmeni, he pule mai a Rev. D. Kaai mai, pa'u himeni hui hou na kula, L. H. 30. Hoike ka Papa Pokii o Kalaupapa eha ko lakou nui V alakaiia e Miss Ema Kelekona, himeni, nani ka leo o na pokil, hoike mai lakou i ka nui o na bu£e ma ke Kauoha Kahiko ame ke Kauoha Hou ame ka poe nana i kakau, nui ka naauao o na pokli. Nee aku imua e na pokii. Papa o na Makuakane, 9 lakou i alakaiia e Wm. Paōo, o ka haawina 0 Okatoba 6 ame 13 ka lakou, paa naau na, mea apau, himeni hui na Kula, L. H. 40. Papa o na Makuahine, he 19 ka nui 1 alakaiia e ka makuahine Mrs. Kaai, ua mele mai lakou mai ka haalTaa a ka lelepuni. O ka lakou haawina, Okatoba 20 ame 27, ua paneia na ninau a ke Alakai me fta eleu. Papa Hooikaika Kristiano, he 11 lakou i alakaiia e Miss Annie Kekoa, nani no na mele o keia papa ua kohu ogana, haawina, Nov. 17, ame 24 ka lakou, laiwale na pela na haina, e hoomau aku imua. | Himeni mai ka Papa Opio wahine i alakaiia e J. K. Keliikuli, na keia papa i hoonaueue ae na paia o Kanaana-' hou. Lulu o na Kula Sabati me ka poe i ohohia i na hana maikai, huina $36.50. Himeiil Hui, L. H. 68. Papa Opio o na waMine, he 17 ka nui i alakaiia e J. K. Keliikuli o ka papa no kela nana i hoonaue i na paia o Kanaanahou, ka i no hoi o ka pani ia eia hou no ka hoi ua nani a na keia Papa i mele mai kekahi mele ua kohu piano, haawina maba 17 ame 24 ka lakou, mikioi na ninau me na haina. Papa o Kalawao, he 12 lakou i alakaiia e ke Kahu Kula Sabati o Kalawao, A. J. Kauhaihao, he mau himeni no ka lakou maloko o ka L. H. maikai no, haawiha 12 o Dekerriaba 28 ka lakon, a na keia papa i wehe mal i na manao nui o ka hopunaolelo Karisimaka, oia hoi, elua hopunaolelo okoa I Krisa, 2 maka, o ka manao o na huaolelo Krlsa o Kristo no ia, a o ka manao o na huaolelo maka, he anaina halpule na ka poe Roma i kapaia Meka, nolaila Karisin\aka he pule Meka no Kristo a o keia mau mamaolelo la oia ka manao o na huaolelo Karisimaka. Papa o na Luna Nui ame na Kumupapa o Kalaupapa, he 6 ka nui i alakaiia e J. K. Keliikuli, haawina 2, 3, 4, 5, 6, 7, 8, 9, ka lakou nui no ka naauao o keia papa, a i keia papa no kokoke hookahi hora, nani no na himeni. Himenl Hui, L. H. 75, na manao paipai, na ka hope Luna Nui o ke Kahua ma'i nei J. K. Waiamau na manao paipai a hoolana manao, a no ka Ijp.u e o ka manawa aole i pau pono na hana. Himeni hookuu, L. H. 63. pule hookuu na ke Kahu. Na haawl makana Karisimakfi i na Papa Kula Sabati ame ka,poe apau i hikl aku, pau ka haawi makana ana, nee aku no kahi i hoomakaukauia ke ola kino, ma ka hale papaa o ka Papa Ola. Ua piha pono na pakaukau i na mea ai, ua ai, ua inu a kena. Malaila ae ka batia o Kalaupapa, me ka lakou mau hokeo kani kahi 1 hoohai)oli ai i ka papaaina, ua hea ia na mea apau e hele ana malaila, me . ka nana ole ia o ka hoomana, a ano e ae, piha eleu no na komite hooklpa. Ke haawi nei ka mea kakau i ka mahaJo' i na Kula Sabati huiia na Komite, na kuene. V Me ke aloha nui no, S. K. MAIALOHA. Kalawao, Molokai, Dec. 30, 1907.