Ka Nupepa Kuokoa, Volume XLIII, Number 2, 10 January 1908 — KUU LUAUI MAKUAKANE UA HALA. [ARTICLE]

KUU LUAUI MAKUAKANE UA HALA.

E ke Kuokoa, ke Kflohana Pookoln ! oka Lahui Hawaii, Aloha oe:—E olu- j olu mai kou ahonui e lawe aku i ka'u wahi puolo waimaka, 1 ike mai ai na kini makamaka o Moiokai Xui a Hina, ka aina a kuu luaui makuakane I noho ai a kupa a kamaaina, i na kanaenae aloha ana nona, oiai ua hala. ua nalo aku la oia i ke ala polikua a kane, 1 ke aia hoi ole mai, aloha waie. Ma ka hora eiwa o ke kakahiaka o ka Poaono. Dekemaba 14, 1 pauaho mai ai kuu makuakane Keliikukahaoa I keia ola ana ma ko maua home ma Waianae, i ka uluniu o Poka-i, a hala aJ<u la oia no ka halawai pu ana me ka Makua ma ka Lani. 0 Molokai kona one hanau, a ma na mea 1 hoomaopopoia, ua hanauia oia A ka wa e hoouka ana o Kamehameha i kana kaua hope loa me ke alil o Kauai. a lilo mal ai ka Paeaina H«waii malalo o kona noho ana. Ma Molokai kona wahi I holoholo ai i kona mau la kamalll, a o kona hehl mua loa ana i ke one o Kakuhlhewa nei, oia no ka manaWa e kukuluia ana ke kahua o ka luakini o Kawaiahao, i ka manawa hoi aole he mau moku e holoholo ana ma na mokup\ni e like me ko keia wa. Aole no he mau alanui i hanaia no na kuaaina aku nēi. a maluna no o na waa ko lakou hele kaapuni ana ia Oahu nei. Iloko o kona mau la kanakamakua, 0 ka oihana mahlal ame ka lawal'a | kana mau hana haule ole, a aole he kanaka nana e uhal aku kona makau- j kau ma ka oihana lawai'a ma Mo-1 lokai. I ka wa e hoi mai ai oia mai ka lawai'a mai me kona mau hoa lawai'a, ua hiki loa 1 kona ikalka ke hapai i kekahi aoao o ka. waapa iluna, oiai hoi he elua a e4olu mai ma kekahi aoao e hapai ai, a pela no i mau ai kona ikaika a hiki wale i kona moe ana aku la i ka moe kau a hooiio. «\ole oia i lalau iki i ke kookoo e like 1 me ka hapanui o na elemakuie', aka he ikaika mau kona mau lala, me ka haule oie o ka hana mahiai iaia. Mai kona mau la kamalli mai a hiki wale no i kona hoi hou a*a aku la i ka lepo, aoie loa oia i hoopa i ka waiona ame ka paka, a ua lilo laua i mau mea hoowahawaha iaia, no ka mea he mau mea hoopilikia aku laua i ke kino, a pela paha mau ai no kona olakino maikai a hiki wale i ka plo ana o ke kukui o ke oia iloko o'na. Ua puka mal mailoko mai o laua me wahine Kaha, he eiwa mau Meiki, aka ua pau aku ka nui i ka make, a koe hookahi e ola nei i kela maiiawa, ka mea hoi e noho aku nel me ke k£ftimaha no kona papa. 1 ka makahiki 1897 I haalele hope aku ai oia I kona one hanau, a hoi ma'i la e noho pu me kana keiki, ma Waianae. Iloko o ka hale o kona kino a elemakule. aole no nae i pohina ka ike a kona n?au maka, p. haalulu paha kona mau lima, a o kona manawa hope loa i koho baloka al, oia no ka makahiki 1904. j Oia kekahi ona Karistiano oiaio, he hana makemake loa hoi nana ka hele I mau ana iloko o ko ke Akua hale, lna no he Sabati a mau la noa paha, a he hana haule oie hoi iaia ka hoomanao mau ana i ija kokua no ko ke Akua Aupuni. A aole no 1 hemahema iaia na hana o ko ke Akua Aupuni, a hala wale aku la no oia, e hui pu me kona Mea nana i hana mai. Ua mae ka pua, ua pau ka hie, aka 0 ka make ana o ka poe haipule he mea ia no lakou e hauoli ai. Ke haawi aku nei au I ka'u mau hoomaikai ana 1 ka Lunahooponopono o ke Kuokoa a me nā keiki o ka papa no ka ae ana mai I keia wahi ukana a'u. Owau iho no o ke kelki i hooneleia i' ka makua, J. KEKAHUNA, Waianae, lanuari 6. 1908.