Ka Nupepa Kuokoa, Volume XLIII, Number 2, 10 January 1908 — HE NANE. [ARTICLE]

HE NANE.

Mr. Lunahooponopono, Aloha kaua: —E oluolu mai kou ahonui eae mai ia'u e kiei a e kilohi aku ma na papalina aiai ahiahia o ka hiwahiwa a kuu lahui aloha, i ike mai ai na kini huli mea pohihihi i ke kino-aka wailua o kuu Kama mai ka La hikl mai ma Haehae a ke koelo ana a ka La i ka iiikai o Lehua. He kama ka'u, he kupa, he ewe. he oiwi papa he mea make ole no Hawaii kuauli nei, pulama ia oia makahehi nui ia a mililima ia hoi e na Mii mai ka poe kiekie a ka haahaa waiwai a ka hune, mai ke au kahiko loa mai a hiki no i keia au hou e naue nei. E na makamaka heluhelu, aole au e holo ana i Farani, aole no hoi i na aina puni ole ma ka hikina ame ke komohana, aka, eia no la i ke alo kahi i hoekepue ai, nona keia hooheno ana: Akahi ka ono o kuu puu, I ka Uhu maalo i kuu maka Ka ai ana o ka ia maikai I ka piko no oe lihaliha. He home no ko ua kama nei a'u a o kona hanau ana noloko no ia o ka malama o Ikuwa, ka poha koeleele, ka j hekiii paapaaina kani ku'i pamalo nona hoi ka leo nui moakaka e kahea} ana. E ala! E ala!! E ala!!! | Eia au la he malihini kaahele no i keia makahiki hou e naue nel, e imi ae ana a e huli a noii nowelo aku ana i na-hoakaau huli mea pohihihi o keia au hOlomua o ka naauao a e hookolo aku ana i ka pili i ke koko i ka io ame | ka Iwi a e kikeke aku ana ma na J ipuka o ka pahukani o ka naauao, e hoala ana e ala e! ua Aia la! Aia la!! Aia ka La maluna o Hualalai Ke waha ae la i ke kua o Kamakamapa'apaa Ke hoohuelo aku la i ka piko o Haleakala I ka hene wai olu lana malie Ke iho iho aku la ma na pali ku'i o Molokai Pupuhi kukui a Papalana ua po e. Ke li'ula aku la na Kakela o Kauakukaiahale Ke haha poele la ka Papai o Honolulu Ke uhi aku la ka noe i ka luna o Wahiawa Ke hoohilala hookulana nei na pae puu 0 Haupu mauna Kiiohana i ka lai 1 ku'i a ke ao lewa ka lani puu. E au nei i ke kai e. Holopapa ka laau kau Ha e ka manu no uka ka manu no Haili o ke kino aka wailua paha'oha'o no ia o ke Kama a kaua e ka mea heluhelu no ka mea, owau ke ku o kd holo keia •koele ka luna mau ka-wa ke kani kohakoha mai la i ka uka lehua. Hapala ke kea na ka ele ka ai e Kaikilaniwahinealiiopuna e, Aloha. Aloha Kaelo Elo ka Malama E ka pule ai ke Kolea Ke keiki manu a Aina Waikolil Kolii kukapu ka la o ke aloha Auhau nalq ia maua Oia hoolailai i o'u nei ke hiki mai Alia—ia Ha-o—e. Owal ka inoa o kvm Kama? Owai ka inoa o ka-home? t Ke lana nei no hoi ko u manao e puehu liilii mal ana no ka lehu o kapuahi' l na kini kino makani o'u mau hpa i ka ipu inika hookahi. Ke huli hoi nei au ua ahiahi ke pa kolonaW mai nei ka makani hui kaili aloha o kuu Home. J. K. W. MAKANIKEOE.