Ka Nupepa Kuokoa, Volume XLIII, Number 3, 17 January 1908 — MIMINO KA MAUU A MAE WALE KA PUA. [ARTICLE]

MIMINO KA MAUU A MAE WALE KA PUA.

E ka Lunahooponopono o ke Kuokoa, Aloha oe:—E oluolu oe e haawi mal I kekahi wahi kaawale o kou mau kolamu no ka'u wahi puolo e kuene aku ai. Ua oluolu loa i ka Mea Mana Loa ke kii palanehe ana nlai i ka uhane 0 ka maua kamalei Emalia Kelono Kanahele, a hii aku la iaia iloko o kela ao nani ma o a waiho iho la i kona kino lepo e hoi i ka lepo e like me ka Kekahuna i hoakaka ai "He lepo ke kanaka a e hoi aku no oia i ka lepo; a o ka Uhane e hoi aku ia i ka mea nana oia i hana." Ma ka hora eha o ka auwina la Poakolu o keia mahina, maioko o ka hale noho o Alfred Kaili, ma Kakaako, i i pauaho mai ai oia i keia ola ana a: haalele iho la ia maua na makua, i | kona mau kaikuaana ekolu ame ka | nui ame ka lehulehu e paiauma aku • nona ma keia ao. f Ua hanauia oia ma Kapalama, ma t ka la 14 o lulai, 1895; ua piha iaia na J makahiki • he 12 a oi o ke ola an'a a: hala aku la oia. He ewalu malama o| kona kaa ma'i ana, a ua huliia ke ola j me ka ikaika, a mamuii o ka ikaikaj loa o ka ma'i ua hiki ole ke kaohi \ mai i ke ola a hala wale aku la oia. | He kaikamahine hoolohe pono a haipule oiaio oia. He makemake mau oia i e hooko' i na mea apau e kauohaia; aku ai iaia, a me ia ano oia a hiki j wale i kona mau hora hope loa. i Ma ka la i lele loa ai o kona h'anu ' ua mele ae oia i kekahi mele paa naau i loa iaia, "lesu e pailaka ia'u." A ; mamua o ka lele loa ana ae o kona hanu, ua kahea mai la oia i kona makuahine, "e mama e pule oe no'u." Ua hoihoiia aku kona kino lepo a hoomoeia maloko o ka pa ilina o Kaumakapili e kali no ka pu a- ka Anela. Ua kau iho maluna o maua ke kaumaha ame ka luuluu nui, oiai o. ka eha iho la keia o ka maua mau kaikamahine' i. hala aku Ia ma kela ao iloko o na mahina pokoie wale no. E' hoonaniia Kona inoa, no ka mea Nana 1 haawi mai a Nana e lawe aku. O maua no me ka iuuiuu, SAMUELA KANAHELE, KAUKEANO KANAHELE. Kapalama, lanuari 14, 1908.