Ka Nupepa Kuokoa, Volume XLIII, Number 3, 17 January 1908 — HOOLAA HALE HALAWAI AME KA HOIKE KULA SABATI. [ARTICLE]

HOOLAA HALE HALAWAI AME KA HOIKE KULA SABATI.

Mr. Lunahooponopono, Aloha a nui: —O na hana i hoikeia maluna ae, ua malamaia ma Kahaiuu-uka. Ekafesia 0 Helani i huiia me Kailua ma Kona Akau, Hawaii, ma ka la 5 o lanuari, M. H. 1908. Elua mahele o na hana ma keia la e like me ia i ha'i ia maluna ae. O ka Hoolaa hale halawai, ua hoolaha ia mamua| ae, e malamaia ana ia hana i ka hora 8 a. m., eia nae, mamuli o ka lohiau mai o makou o na kamaaina o ka poe na lakou ka hana, ua pau waie ia mau hora me ka pa keneta ole, a komo aku la na hana i ka hora 9:30 a. m. Na Rev. Jno. Keala ka lawelawe ana 1 na hana hoolaa hale halawai me ka himeni, ka pule, Mokuna heluhelu ma Hagai pule, maanei i hapaiia mai ai ka hoike a ke komite kukulu hale, o ua komite la o J. K. Nahale, aole nae oia i hiki mai, oiai, ua omaimai ia oia, a ua hoomana mai oia ia Henry Kawewehi i hope nona, a nana i heluhelu i Uana Hoike," a e\ hapai hoi i ka hana lulu no ka hoo-j kaa ana 1 ke koena aie o ka haie hiala-, wai. I 0 ke ano nui o ka hoike a ke komite I peneS: "Ua pau kekahi mau lilo o kakou i ka uku ia, o ko kakou koena aie e ku nei i keia la he $48.45." 1 keia manawa, ua hapaiia ka lulu dala ana iwaena o na kamaaina ponol o Heiani, ma ka pakahi dala, he haawina i haawi mua ia, o na mea i loaa ma ia lulu ana, he $15.50, ua komo no he mau malihlni ma keia lulu ana o ka hapa nui no nae, na kamaaina no. Maanei i lawe mai ai kela ame keia komite i kana hoike, no na v mea i loaa iaia mai ia Mrs. M. Namau mai he $36.15 maoli, he $4.50 hinalepa; mai ia MrB. K. Koomoa mai he $27.80, hinalepa he $5.00; mai ia Henry Kawewehi mai, ma ka hinalepa wale no he $6.00. Huina o na dala i loaa mai ka lulu ana a mai na komite mai he $79.45, huina o na elala hinalepa he $15.50. Maanei i hapaiia aku ai ke koena o na hana hoolaa hale halawi. Wehe mai la ke kahunapule i kana poolelo Hooiaa Hale Halawai ma Hagai 1:7, a hookuu na hana hoolaa Hale Halawai i ka hora 12 m. Elima minute i hala ae o ka hora 12 ua malama ia aku la na hana Hoike Kula Sabati o keia mau Ekalesia huiia, i alakaiia e ke Kahu Kula Sabati Nui o Hawaii Komohana, me ka Himeni 149 o s ka H. A. N. ame ka pule ana mai ke alakai mai o na hana q ka manawa hana. Ia Helani ka wehe mua ia ana o na hana Hoike, elua mahele o na Papa Pokii, a ke hulla keia mau Papa ua hiki ka nui o na hauniana i k& 71, aia iloko o keia huina i ha'i ia, elua pokii hehe^. Na keia mai papa i wehe ka hanohano o na hana Hoike Kula Sabati. I ka pau ana o keia papa o ka Papa mai o na Makuakane ame na Makuahine no lakou Jta huina he 42, e alakaiia ana keia papk ma na leo himeni e Henry Kawewehi. Himeni Hui, Leo Hoonani aoao 111. Lulu I?ala, he $8.00 i loaa ma ia lulu ana, hiineni hui, Leo Hoonani aoao 118. Hapaiia ka Hoike o na mahele Kula Sabati o Kailua, oia hoi ka Papa o na Pokii he 9 ko lakou nui, e alakaiia ana e Miss Hauola Liffette; ka Papa mai o ria Opio ame makiia i huiia: Opio kane 2, opio wahine 1, makuakane 1. makuahine 2, alakaiia arta e Mrs. H. Keliikoa. Maheie o Holualoa, papa o na pok.ii, 1 pokii kane, 7 pokii wahine, e alakaiia ana e Mrs. E. Akahane, papa o na opio ame na makua i huiia, 2 opio kane, 1 opio wahine, 6 makuakane ame 13 makuahine. O keia ae la ka panina hope loa o na hana Hoike Kula Sabati, a inai ia Rev, J. Keala mai he mau manao paipai pokole, a mai ia Mrs. A. R. Bakers mai a mai ke Kahu Kula Sa- • bati Nui mai; ka huina nui o na haui mana ame na haipule e ae i hiki mai no ka hana, penei: , Mal Kailua mai, na haumana ame na kumu he 15 lakou; mai Holualia , mai hoi, he 30 lakou; no Helani ho- • lookoa, he 113: iioko o ke'a huina, elua pol li bebe; 1 Kahu Kula Sabati , Nui. 2 Kahu Kula &abati Apana ame . 1 Kahunapule, huina 162 ame 25 na haipule e ae, huina apau loa ma ke anaina Hoolaa Hale Halawai ame Ho- , ike Ki;la Sabati, he 187. Hookuuia na hana me ka himenl

aoao 99 o ka Leo Hoonani ame ka pule ana a Rev. Jno. Keala. Mahope iho o ka hookuu ia ana o na hana, ua hookipa ia aku na malihlni e na kamaaina ma kekahi hal2 i hoomakaukauia no ka hoopiha ana i ko Hanare rumi, oiai. elima minute I hala ae o ka hora" 2 p. m. Hookuu loa ia na hana mai ka hale hal'iwai aku. Ua ai na malihini i ka lokomaikai o na kamaaina a lawa a koe aku no; o ka oi aku o ka piha maikai loa. oia no ko makou hapai ana i na hana i keia la me ka hauoli uhane. No ka hoolaa ana i keia hale hou o ke Akua Ola Mau Loa. Ko makou malama ana i na hana Hoike Kula Sabati iloko o Kona Betera Hou i ke Sabati mua loa o ka Makahlki Hou. Me ka piha i ka hauoli no na hana maikai a kō Helani mau iwikani i pahola mai ai no na malihini, ke haawi aku nei na malihini I na mahalo ame na hoomaikai ana he nui i na keonimana ame na lede o Kawai puka iki o Helani. Me ka mahalo nui, MAKAIKAI. Kona Akau, Hawaii, lanuari 9, 190S.