Ka Nupepa Kuokoa, Volume XLIII, Number 3, 17 January 1908 — HE MALIHINI HOU UA HOEA MAI. [ARTICLE]

HE MALIHINI HOU UA HOEA MAI.

Mr. Lunahooponopono, Aloha oe:— Ma ka po la 31 o Dekemaba, A. D. 1907 i hala aku la, a ma ka hora 11:20 o ia po, ua hoea mai la he Malihini Hou no ko'u honie ma ia manawa i ha'i la, mai ka puhaka mai o ka'u mau keiki o Mr. ame Mrs. Victoria Jno. Alawa. Jr., a he hoku Venusa ua malihini la i hoea mal ai. Oiai makou e hooponopono ana no ka malihlni i klpa mal, ala hoi, hoea hou ana ka lua o ka malihini. Happy New Year! Happy New Year! Nani wale ka hoi. "E hoonaniia ke Akua ma na Lani Kiekie Loa a he malu hoi ma ka honua, he aloha no i kanaka." Ma keia po iho la i palua ia Iho ai ka hauoli ana ia'u a i ko"u home apau. A ke ilni nei au ina pela kuU Haku 1 aloha e hana. mai ai no'u i na la I koe o kuu ola mauleule ana ma keia ao, alaila, e hauoli palua hou auanei ke kanaka oo iloko o kona ahonui, e like me kana i ike al he pono, a o Kona makemake no ke hana ia. Ma keia po I hoonani palua aku al i ka Mea nona mai na makana maikai i haawi mai 1 ko ke ao nei apau. A eia ka malihini ke hanu nei i na ea o keia mau la me ke ola maikai, a ke pii ae la I na po mahina piha mauka, aole o kana mai ka pu'ipu'i o keia malihlni. Me ka mahalo I ka nui o ko ke Akua lokomaikai. D. ALAWA. Holualoa, Kona Akau, Hawaii, lanuari 9, 1908.