Ka Nupepa Kuokoa, Volume XLIII, Number 3, 17 January 1908 — E HOIKEIKE HOUIA ANA NA HANA HOAKAAKA. [ARTICLE]

E HOIKEIKE HOUIA ANA NA HANA HOAKAAKA.

Mamuli o ka nul o na loaa ma kela hana hoakaaka i malamala ai maloko o ka pa kinipopo o Kamoiliili 1 ka la makahiki hou i hala aku la, a mamuli no hoi kekahl o ka poe mahalo no ia ano hana, pela i ala hou mai ai na manao iloko o ka poe na lakou e hoolala mai nei i na hana hoohiwahlwa o ka la hanau o "Wakinekona e hiki mai ana i keia mahina ae, e hookomo hou mal I kela hana i malamaia ai, i plha pono al na hana hoohiwahiwa o ia la. He oi aku ana keia o ka makahikl nui o na kaa otomobile e komo ana ma ke ka'l huakai, oial he nui na kaa hou I hiki mai mahope iho o na hana o ka makahiki i hala aku la, a ina hoi e hookomo pu ia mai ana keia hana i hoikeikeia lho nei ma ka la makahikl hou, alaila e oi loa aku ana ka maikai o na hana hoohiwahiwa o keia makahiki. Eia no ke Komite o kela hana ke noonoo mai nei i na mea i manao ia, aia paha a kokoke Iki aku, alaila hoikeia aku ka papa kuhikuhi o na hana i manaoia no la la.