Ka Nupepa Kuokoa, Volume XLIII, Number 4, 24 January 1908 — PAA HE ULUA NUI ILOKO AE NEI O KE AWA. [ARTICLE]

PAA HE ULUA NUI ILOKO AE NEI O KE AWA.

Ma ka Poaono nei i ku ae ai kekahi ulua nui i ke o nona ke kaumaha i hiki aku ma kahi o ka haneri paona, a he ekolu hoi kapuai ka loihi. O Imila ka inoa o keia kanaka nana i o i kela ulua, a ma ka hale ipukukui kona wahi e hana ana me ka nui o na kanaka e ae, ua ike aku la oia i ke alualu ana mai o ka ulua i ka amaama ma kahi papa'u o ke kai o kona lalau koke aku la no ia i kekahi laau e waiho ana me ana iho i kekahi hao i ua laau la, a hele aku la e hou ma ka aoao o ka ulua. I ke ku ana aku o ua ulua la i ke o, ua hookuu koke aku ia oia i ke o, a kii aku la i waapa no ka hookolo ana aku mahope o ka i'a e holo la no kahi hohonu. Aole no nae i emo iho ia holo ana aku ana, o ka loaa aku la no ia o ka ulua, a nakiikiiia iho la ka hi'u o ua ulua nei i ke kaula, a me ia oia i kolo mal ai a hlki wale no i ka pae ana i kahi maloo. Ua hoomaka mai ka, ike nuiia ana o na ulua iloko o ke awa, ae nei i ka manawa hoomaluia ana ka lawai'a ana, a pela pu no hoi me ka amaama, a oia mau no paha o ka ulua i ka noho iloko nei o ke awa, me ke apu mau ana i na amaama e hookokoke mai ana ma ko lakou wahi, pela i ikeia ae ai kela ulua nui i ku ai i ke o.