Ka Nupepa Kuokoa, Volume XLIII, Number 7, 14 February 1908 — HE MAU HANA KOLOHE MAOLI. [ARTICLE]

HE MAU HANA KOLOHE MAOLI.

I ka hoomaopopo ana i ke kanawai auhau e pili ana i ka auhau loaa makahiki e kauia nei maluna o ka poe hookaa auhau i loaa aku ia lakou na loaa makahiki a oi aku mamua o ka hookahi kaukani dala o ka makahiki, ua ikeia ka paakiki loa o ka hiki ana i na paahana e noho ana malalo o ko lakou mau haku hana ke pakele ae mai ko lakou hooko ana i ka manao o keia kanawai, a ina aole lakou e hana ana pela, alaila e ili aku ana ke koikoi o ke koiia ana mai maluna o na haku hana a hui paha a na paahana e noho hana aku ana. Ua hooikaika kekahi mau lunamakaainana ma ke kau aha-. olelo i hala no ka lawe ana mai i hookahi kaukani me elima haneri 4ina no na auhau loaa makahiki, eia nae ua haule pa-hu ia fhooikaika ana mamuli o ka make ana o ia bila iloko o ka Aha Senate, a Tia ku no ke ana o hookahi kaukani dala loaa makahiki, a o na dala oi aku mamua o ke kaukani maluna o ia mau dala oi e kauia aku ai ka auhau. Aole no he pilikia iloko o ke kanawai ke hooko ponoia e ka poe hookaa auhau, no ka mea e holo ana no ia mau dala iloko o ka waihona o ke aupuni no ka pomaikai o na.hana o ka lehulehu, o kahi a makou i hoomahu'i ae la i ka pili inaoli i ke ano kolohe, oia no ka hookaa ole o kekahi mau luna aupuni i ko lakou mau auhau loaa makahiki. Ua ku kaokoa loa keia mau luna aupuni mai na limahana e ae e noho hana nei ma kekahi mau hana malalo o na haku hana a mau hui imi loaa paha; oia hoi o ka lehulehu, ka poe hookaa auhau na haku o keia mau luna aupuni, eia nae o kekahi o keia mau luna aupuni, ka poe hoi e ohi ana i na ukuhana nunui o ka mahina a pau ka makahiki, o lakou kekahi poe i hoōhemahema i ka hookaa ana i ko lakou mau auhau loaa makahiki. Eia*ke ku nei ka papa inoa o ka poe i liookaa ole i ko lakou mau auliau makahiki a o na luna aupuui i komo mai iloko o keia papainoa, he mea pono loa e hoopauia aku lakou mai ka noho hana ana no ka leliulehu, no ka mea ke kolohe maoli nei lakou i ka lehulelui. Heaha la ke kohu o ko ke aupuni hooko ana aku i ke kanawai maluna o ka poe hookaa auhau e noho hana ana malalo o kekahi mau haku hana, ka poe hoi i komo mai malalo o keia mahele o ka auliau, oiai no e noho mai ana kekahi poe luna aupuni e ae me ka hookaa ole i ko lakou auhau loaa makahiki? He hookahi no pane anaopopo loa, aole he kohu o ia hana. O keia kekahi o na mea ano nui a ka poe e kohoia ana ma keia kau koho haloka e hana ai iloko o ka ahaolelo no ka pono o ka lehulehu, aole hoi maluna wale no o ka poe ilihune e maoli ana i ka pono o ko lakou noho ana ke koikoi o ka hookaa ana i ko lakou auhau mai ko lakou mau loaa makahiki mai, a koe aku la ka poe e ukuia ana e ka lehulehu me na uku nunui o ka makahiki.