Ka Nupepa Kuokoa, Volume XLIII, Number 7, 14 February 1908 — HE MAU AINA NO KA HOOKUONOONO ANA. [ARTICLE]

HE MAU AINA NO KA HOOKUONOONO ANA.

E llke me ka manao o ke Kiaaina o ke Teritore Hawaii no ka wehe ana aku i kekahi mau aina aupunl no na hana mahiai, pela i waeia ae ai kekahl mau alna e waiho nei ma keia mokupuni i wahi e-hoohanaia aku al keia manao ame na hoolala ana a ke 'Kiaaina. Aia keia mau aina ma Koolaupokō, a ma Waianae, he elima hoi mau apana ma Pupukea, ma Keaau, a he eono "āf)fthft ma Lualualei. E maheleheleia ana keia mau aina aupunl, a waiho aku no ke kudala ana, ma ke ano o ka pono hoolimallma. Ua hoike ae ke Kiaaina i kona makemake ana hele kino aku e makaikai i keia mau apana aina, i hooiaia ai kona lohe no ka loaa ana no he poe e noho mai nei maluna o kekahi o kela mau aina, a no ka nana pu ana no hoi kekahi ina paha he ulu maikai ka halakahiki ma keia mau wahi. •lJa hoike ae ke Komisina Aina Aupuni Jas. Pratt i ka loaa ana aku o na palapala noi lehulehu iaia no keia mau, aina no ka hoolilo ana ia lakou i mau alna mahiai, a o ka mea wale no i koe ke holopono keia manao no ka haawi ana aku i keia mau aina i ka poe makemake mal, ola no ka hoouna ana aku i kekahi mea e kau i ka waiwaiio o ua mau aina la.