Ka Nupepa Kuokoa, Volume XLIII, Number 10, 6 March 1908 — HE HAKAKA HOU PAHI MA KE ALANUI MUA. [ARTICLE]

HE HAKAKA HOU PAHI MA KE ALANUI MUA.

Ua ulu ae he hakaka hou pahi ma kahi e kokoke nei i ke kihi o ka Paka Mooheau a mamua mai hoi o ka hale hou e kukulu ia nei e Mrs. Aima Nawahi, a penei ka moolelo o keia hakaka hou pahi: Aia he wahi keiki hapa paele e noho hana nei me George Richardson nona ka inoa o Clarence. He wahi keiki mahalo ia keia e na mea apau no kona ano oluolu a piha no hoi i na olelo hoomakeaka. Ma ke ahiahi Poaono nei, ua pii mai la oia mai mai no ke kaona o Hilo me' kekahi haole luina moku, a ia laua i kaalo ae ai ma kahi i olelo ia ae la maluna, e akoakoa ana malaila he puulu o na Pukiki opio, a iwaena o ia puulu o AKoni Rulia, Ben de Mello, August de Costa ame Jacintha Magara.

Ua hoopukaia ae la e kekahi o keia puulu kahi mau olelo pahenehene i kahi keiki paele, a e kuamuamu ana paha i kona ano nika, ua lilo ia mau olelo hoonaukiuki 1 mea e wela al kahi keiki paele, a o ka hope ua ulu ae la he hakaka, ua lawelawe inoino ia kahi paele e keia poe, ua haalele aku la ua wahi keiki nei i keia wahi a keia poai e ku ana, ua hele paha oia e kuai pahi nana, a i ka iiala ana o na minute he 10, ua hoi hou mai la oia a imua 0 keia puulu Pukiki, ua aa aku la oia 1 kekahi o lakou e hele mai e hakaka me ia, ua puka mai la o Ben de Mello mai ke anaina mai e hakaka me ke keiki paele, ua waiho ia na rula hakaka pelepele, a ua hoomaka iho la laua e ku'i aku a ku'i mai, e peku aku a peku mai, a ua hemo ka pahi a ka paele, a o ka hope o keia hakaka, ua ! moku ke Pukiki i ka pahi a ka paele ma ka lima a ma kahi kokoke loa i ka puuwai, a ina aole i holohia ka pahi ma ke ku ana i kahi iwi aoao, ina la he kanaka make o Mello i ke ahiahi Poaono nei.

I ka hoea ana mal o ka Makai Higgin i kahl o ka haunaele, ua haawi aku la ke kelki paele iaia Iho me ka hoopuka ana ae ua hana ola 1 kela hana ma ke ano e pale no kona ola, a ua lawelawe ola i ka pahi i kona wa i hoomaopopo ai e alu ana lakou iaia. Ua' hoopaaia ka paele i ka halepaahao, a ua hoihoi ia ka mea i eha i kona home, a ke kali nei keia hlhla rto ka oluolu iki ae o ka mea i moku i ka pahi. O keia Pukikl <Je Mello, ua hoopa'i mua ia no oia no kona hana ino I kekahl paele hana o ke alanui kaaahi, a me he mea la, ua lilo ka mea ili hauliuli i enemi makawelawela loa nona. Ua hoolimallma ae o George Richardson ia Loio Irwin I Loio pale no kana kauw^.—Ka Hoku o Hawaii. r