Ka Nupepa Kuokoa, Volume XLIII, Number 10, 6 March 1908 — KUHIHEWAIA KE AO HE AUMOKUKAUA. [ARTICLE]

KUHIHEWAIA KE AO HE AUMOKUKAUA.

Oiai kekahi poe haole i hele aku ai no Makua i ka Poaono nel, ua kuhihewa loa lakou i na ao keokeo e kokoke iho la iluna o ka ilikai he aumokukaua i hiki aku ka heluna I ka eono, a no ko lakou manaoio lrta ho mau moku maoli ka lakou o ka Jke ana, ua kelepona mai la kekahi o lakou i kana keiki i Honolulu nei, no keia mea a lakou o ka ike ana. Ua hoike ia aku keia meahou ia Kapena Carter o ka oihana kaua e noho nei ma Honolulu nei, a mamuli o ka huli ponoia ana aku o keia mea hou, ua hoopau loaia ae ke pohihihi, ua kuhihewa maoliia na ao, he mau moku, nolaila ua hoopauia na pioloke o na manao, ma o keia meahou, oiai he manawa keia no ka houpuupu ia no ke kaua mawaena o Amerika ame lapana.