Ka Nupepa Kuokoa, Volume XLIII, Number 10, 6 March 1908 — AIHUEIA HE PAHU BIA MA KE WALO. [ARTICLE]

AIHUEIA HE PAHU BIA MA KE WALO.

Ma ka po o ka la Sabati i hala i komo aihueia ae ai ka hale hana omole o ka hui hana bia Raineer, e ku nei ma na alanui Cooke ame Hustace a lilo aku hookahi bare!a i piha oloko me na omole bia ma Kewalo. Ua hoomaopopoia ma ka puka aniani ke komoia ana aku e ka poe iloko • '"i hale, a maioko mai 1 weheia ae ai ke pani o ka puka. i hiki ai ke olokaaia ka pahu bia iwaho. Me he mea la na kekahl puulu o na kanaka Hawali i hana i keia aihue, a mamuli o ka hoohuoiia ana u kekahi puulu e noho ana ma kekahi o na hale ma Kakaako, ua hookolo aku la ka Makai ilaila a loaa aku la he heluna nui o na omole bia i pau i ka inuia ame na mea wehe omole. He hookahi i paa ae i ka hopuia la manawa, oia hoi ma ka Poakahi nei, a o ka nui o keia poe kolohe ua maopopo no i na makai ko lakou wahi e loaa aku ai; nolaila aole no e pakele ana ka poe hana kolohe.