Ka Nupepa Kuokoa, Volume XLIII, Number 10, 6 March 1908 — HE NANE. [ARTICLE]

HE NANE.

Mr. Lunahooponopono, Aloha oe:—E oluolu oe e ae mai no'u kekahi wahi rumi kaawale o kau Milimili i ike mai na kini heluhelu o ke Kilohana mai ka Hikina a ka La ma ka lae o Kumukahl ma Puna a hiki aku i ke koele ana a ka La i Lehua i kela mau mamala olelo maluna ae penei; He Manu ka'u aia ke Kilohi la i ka nani o Hawaii. Ke hiki mai kona hopena e like me ke kanawai a ke Akua i kau ai alaila make oia make pu na mea apau; i keia la ke Ikeia nei oia ma keia mele i hooheno ia penei: Ua noho au a Kupa A kamaaina i ko Leo. O ka mea kupaianaha o na kupaianaha £ ukali mau ia ana oia e kona mau ukali elua i na wa apau ma kona alahele e hele ai, o kekahi ukali © kilohl ana ia i ka nani o kona Haku ma ka aoao akau a o kekahi ukaii e kilohi ana ia i ka nani o kona Haku ma ka aoao hema. Owai ka inoa o kuu Manu? Owai ka inoa o na ukali eiua o kuu Manu? Me ka lana o kuu manao e kuailo ia mai ana no e na loea huii mea pohihihi o keia au hou e naue nei. O ka mea hiki mua ma ke kuailo ana 1 ka inoa o kuu Manu ame kona mau ukali e loaa no ka makana o 5 pooleka ma ka elua keneka. H. K. LIOKAKELE. 822 Kawaiahao St. O ka nane malalo iho nei, he nane mua no ia i hoopukaia ma ka la 25 o ka mahina o Okatoba i hala aku nei, a mamuli o ka loaa oie o ka haina pololei a hiki i keia manawa, nolaila ke hoopuka houia aku nei, malia ua poina loa ka poe huli nane no keia nane a ka Aekai o Mahukona, a oia iho keia: i\lr. Lunahooponopono, Aloha oe:—E ae hou mai kou hanohano ame ke ahonui o ke JKllohana e, hookomo iho ma kou rumi kaawale i kela mau hua e kau ae la maluna i ikē mai ai na loea ihu hanu mea pohihihi i ka mea huna pee poli iloko o ka puuwai e like penei: He makuakane &me kana mau lei aloha he mau keiki e noho hoomaluia ana e kona ano makua. Ke ike a ke hea ia nei kela makuakane ma na inoa like ole a hiki i keia la.

Penei hoi ka noho ana o kana mau lei aloha, he keiki, ke noho nei ka hiapo e nana a e kilohi ana i Ke kuakea mai a na ale ahiu o ka moana, a ke noho nei hoi ko lakou muli loa e malama a e kial i kekahi pahu i hoopiha ia i ka uwila a mal kela pahu 1 piha i ka uwila e hoolele aku ai oia i kona malamalama 1 ka Akau a i ka Hema i ka Hikina, a i ke Komohana.

Ke noho nei ke koena o na iei aloha a keia makua aloha keiki, a aia ia lakou ka malama ana i kekahi waiwai like loa o ke ano, a he waiwai e pono ai a e pomalkai ai lakou a pono pu ko lakou makua a pono pu ka iehulehu apuni ke ao nei ina nele a loaa ole pilikia loa. Ke ike a ke hea ia nei lakou ma ko lakou mau inoa pakahi iho. Eia ka ninau. Owai na inoa like ole o keia makua kane e hea ia nei, a ehia lakou? Owai ka inoa o ka iei hiapo a mua loa? Owai ka inoa o ka muli loa a lei aloha a ka makua? Owai hoi na inoa pakahi o na lei aloha a ka makua ia lakou ka malama i ka waiwai like loa o ke ano? Heaha ka inoa o ka waiwai like loa o ke ano e pono a e pilikia ole ai ka lehuiehu? He mau wahi hua kukui inamona no keia komikomi no 1 ka welelau lima. Me ko'u manaolana e puehu a lele liilii ka lehu o Kapuahi ia E. P. K. Waikau o Pualanihome. E aloha auanei e na keiki hooni hua kepau. Owau iho no, AEKAI O MAHUKONA. Kohala Akau, Hawaii.