Ka Nupepa Kuokoa, Volume XLIII, Number 11, 13 March 1908 — HE HAIOLELO HOOLE WAIONA MA KAWAIAHAO I KE SABATI NEI. [ARTICLE]

HE HAIOLELO HOOLE WAIONA MA KAWAIAHAO I KE SABATI NEI.

Maloko o ka halepule o Kawaiahao i ke awakea Sabati nei ia Mr. John O. Woolley. ka o ka la, kela kanaka kaulana loa i ka ha'iolelo hoole waiona, a o kana kumumanao i wehe mai ai i kana haiolelo oia no ka moolelo o kela kanaka makapo, ka mea i hanau makapoia mai a i hookaakaaia na maka mahope iho o kona lapaauia ana aku Haku lesu. Wahi ana i hoakaka mai ai, he nui a lehulehu na kanaka 1 maalo ae mamua ae o kela kanaka makapo aole nae lakou 1 Ike iho iaia; he kahunapule kekahi i maalo ae mamua ona leha wale iho la no laia a hele aku la no ma kona alahele me ka ike ole iho iaia. Hele mai no kekahi poe walwai a ike no iaia maalo wale ae la no lakou a hele loa aku la m? ka ike ole iho iaia. Maalo ae no kekahi poe koikol o ka aina a ike aku no i kona noho mai ma hai o ke alanui a hele loa aku la no lakou me ka nana ole iho iaia. A o ka like ole o ka lakou ike ana laia me ka lesu, oia no keia, i ko lesu wa i ike aku ai iaia e noho ana hele aku la oia a aloha aku la iaia; ike aku la iaia hapala aku la 1 kona mau maka me ka lepo a kauoha aku la iaia e hele aku i ke kiowai o Siloama a malaila e holoi ai 1 kona mau maka a e loaa hou no iaia ka ike e like me ko na poe maka kaakaa eae. ! Wahi hou a Mr. Woolley 1 hhakaka mai ai he nui loa na kanāka maka kaakaa e noho nei maloko o ke kulanakauhale o Honolulu nei, ua nele nae i ka ike i keia mau mea walwai nui e pomaikai ai, a he kupono loa la lakou e ike pono. He nui loa na kanaka wahi ana, 1 ike o ka inu rama he hewa nul ia a eia nae hele nul no lakou ma na haleI inu rama a hoolilo wale i ko lakou manawa ka ikaika ame ka lakou mau dala ma ia hana, oiai nae o ka oi loa aku o ka maikal no lakou e hoi aku i ko lakou mau home a e malama i ka lakou mau wahine ame ka iakou mau keiki e uwe mau mai ana i ka pololi i ka ai ole, kahi ki ole, ame kahl aahu ole. A o ka poe i hoomau ma keia mau hana ua ikela ka pilikia nui o ko lakou mau home ame ka hoohilahllaia o ko lakou inoa ka lahul ame ka aina. Iloko o kona kulanakauhale ponoi, oia o Kikako, he nui no na hale inurama e like no me ka nui o na hale !nurama ma Honolulu nei, a oia poe apau e hoomau ana i ka inu ana i ka rama he poe makapo wale no lakou apau. Ua pomaikai kela kanaka makapo no k& mea ua loaa ka mea nana. oia e iapaau oia o lesu. A o keia poe makapo oia kela poe hoomau ma ka inu rama mau ana. Owai ana la aoianel ko lakou mea nana e lapaau?