Ka Nupepa Kuokoa, Volume XLIII, Number 11, 13 March 1908 — HE 24 POE I HOOPIIIA ME NA PALAPALA HOOPII HOAHEWA. [ARTICLE]

HE 24 POE I HOOPIIIA ME NA PALAPALA HOOPII HOAHEWA.

He 24 mau palapala hoopll hoahewa 1 hoihoiia mai e ke Kiure Nui i ke kakahiaka Poakahi nei i ka Lunakana wai Dole, o ke Aha Apana Amerika. O na hih'ia waiona ka oi aku; he lehulehu loa na hihia <3ala apuka ame kekahi mau hihia e ae. |Ua hoomaopopoia aku ua nui na hihia i noli ponoia a i kamailio nul ia, a eia nae iloko o ka hoike aohe wahi mea i oleloia e pili ana ia Iwilei. E oili mai ana nae kekahi mau hoololiloli ame kekahi mau hana hou mai ka Apana mai o Iwilei mamuli o na hana a ke Kiure. O Jacob Rosenberg, ka mea i hookolokoloia a hookuuia ma ka palapala hoopii hoahewa mai i ke kau 1 hala ua lawe houia mai no nae no ka hookolokolo houia. O keia malalo iho nei ka papainoa o na poe i hoopiiia mai mamuli o na palapala hoopil hoahewa: Moses Koki, apuka 1 ke dala haleleka. Martin Keozh, no ka hoopae malu ana. Joshua D. Koki, no ke apuka i ke dala haleleka, ! Jacob Rosenberg, no ka paa ana i na waiwai aihueia. Ong Too "Wan, paa ana i ke dala apuka. j Paia, no, ka lawelawe ma ke ano he mea kuai kukaa a kuai liilii 1 na waiona. John Kakae, no ka moekolohe. Lu Cho Hun, no ka hana ame ka malama ana i na dala apuka. Kim Key Wog, no ka loaa ana ma kona malama ana he dala apuka. Ah Fa, no ka hana rama ana (puhi! okolehao.) Hoshimoto, no ke puhi okolehao. Koga, no ke puhi okolehao. Ah Wan, no ke puhl okolehao. Ah Sat, no ke puhl okolehao. Dalrey Wagner ame Albert Toogood, moekolohe. Loyd Smith ame Racheal Weigand, moekolohe. M. J. Colto, kual rama me ka laikini ole. Fuji Kujima ame Fujitache Kujlma, puhi okolehao. John Parls, puhi okolehao. Moses Lono ame Samuel Luhlau, hoololi ana i ka bila kikoo dala haleleka. Sekl, moekolohe. I Tok:hi Hayashl, hoike hoopunipuni. Kong Yong Soon, hana me ka malama ana i ke dala apuka.